घर, सोसायट्यांत सर्वाधिक अळ्या

 घर, सोसायट्यांत सर्वाधिक अळ्या
घर, सोसायट्यांत सर्वाधिक अळ्या

डेंगी डासांच्या सर्वेक्षणाबाबत नागरिक उदासीन


पुणे - शहरात डेंगीच्या डासांच्या सर्वाधिक अळ्या घर आणि सोसायट्यांच्या परिसरात सापडल्याचे निरीक्षण महापालिकेने नोंदविले आहे. नागरिक
घरात येऊन सर्वेक्षण करू देत नसल्याचेही महापालिकेच्या कर्मचाऱ्यांनी सांगितले.

संपूर्ण शहर डेंगीच्या डंखाने हैराण झाले आहे. सोमवारी एका दिवसात डेंगीचे 90 रुग्ण सापडल्याची माहिती महापालिकेच्या आरोग्य विभागातर्फे देण्यात आली. गेल्या 26 दिवसांमध्ये डेंगीच्या 738 संशयित रुग्णांची नोंद महापालिकेकडे झाली आहे. त्यापैकी 181 रुग्णांना डेंगी झाल्याचे स्पष्ट झाले आहे. डेंगीची हा उद्रेक नियंत्रित करण्यासाठी महापालिका प्रयत्न करत असली तरीही त्याला नागरिकांचा प्रतिसाद मिळत नसल्याचे आरोग्य खात्यातील अधिकाऱ्यांनी सांगितले.

महापालिकेच्या सहायक आरोग्यप्रमुख डॉ. कल्पना बळीवंत म्हणाल्या, ‘शहरातील नागरिकांच्या घरांमध्ये डेंगीच्या डासांची पैदास होत असल्याचे निरीक्षण सर्वेक्षणातून पुढे आले आहे. शहरात सर्वेक्षण करण्यात आलेल्या साडेसात हजारांपैकी बहुतांश घरांमध्ये डेंगीच्या डासांच्या अळ्या सापडल्या.‘‘
जनजागृतीसाठी महापालिकेचा पुढाकार

शहरात उद्रेक झालेली डेंगीची साथ नियंत्रणात आणण्यासाठी लोकसहभाग आवश्‍यक आहे. त्यासाठी महापालिकेने जनजागृतीचा उपक्रम हाती घेतला आहे. महापालिकेच्या आरोग्य विभागाचे प्रमुख डॉ. एस. टी. परदेशी म्हणाले, ""नाट्यगृहांमध्ये येणाऱ्या प्रत्येक नागरिकाला डेंगीबाबतची माहिती आणि डासोत्पत्ती नियंत्रणात ठेवण्यासाठी कोणत्या उपाययोजना कराव्यात, याची माहिती दिली जात आहे. ही माहिती चार लाख नागरिकांना "एसएमएस‘द्वारे पाठविण्यात आली आहे.‘‘

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com