नोटाबंदीच्या विरोधात 'राष्ट्रवादी'चे आंदोलन 

सकाळ वृत्तसेवा
मंगळवार, 10 जानेवारी 2017

राज्यात अनेक ठिकाणी चक्काजाम, मोर्चामुळे वाहतुकीची कोंडी; सरकारविरोधात घोषणाबाजी 
पुणे - नोटाबंदीच्या निर्णयाच्या विरोधात आज राष्ट्रवादी कॉंग्रेसने राज्यभरात ठिकठिकाणी आंदोलन करून निषेध केला. मुंबई, पुण्यासह औरंगाबाद, कोल्हापूर, नगर, सातारा आदी ठिकाणी राष्ट्रवादी कॉंग्रेसने मोर्चा, रास्ता रोको, चक्काजाम आंदोलन केले. कार्यकर्त्यांनी सरकारविरोधी घोषणाबाजी केली, तर चक्काजाम आणि रास्ता रोकोमुळे अनेक ठिकाणी वाहतुकीची कोंडी झाली. मुंबई-बंगळूर महामार्गावर आंदोलने झाल्याने वाहनांच्या रांगा लागल्या होत्या. 

राज्यात अनेक ठिकाणी चक्काजाम, मोर्चामुळे वाहतुकीची कोंडी; सरकारविरोधात घोषणाबाजी 
पुणे - नोटाबंदीच्या निर्णयाच्या विरोधात आज राष्ट्रवादी कॉंग्रेसने राज्यभरात ठिकठिकाणी आंदोलन करून निषेध केला. मुंबई, पुण्यासह औरंगाबाद, कोल्हापूर, नगर, सातारा आदी ठिकाणी राष्ट्रवादी कॉंग्रेसने मोर्चा, रास्ता रोको, चक्काजाम आंदोलन केले. कार्यकर्त्यांनी सरकारविरोधी घोषणाबाजी केली, तर चक्काजाम आणि रास्ता रोकोमुळे अनेक ठिकाणी वाहतुकीची कोंडी झाली. मुंबई-बंगळूर महामार्गावर आंदोलने झाल्याने वाहनांच्या रांगा लागल्या होत्या. 

8 नोव्हेंबर 2016 रोजी पंतप्रधान नरेंद्र मोदी यांनी एक हजार रुपये आणि पाचशे रुपयांच्या नोटांवर बंदी जाहीर केली. त्यानंतर देशभरात नोटाबंदीच्या निर्णयाचे पडसाद उमटत असून, ग्रामीण भागात त्याची तीव्रता अधिक आहे. नोटाबंदीला आज दोन महिने पूर्ण झाले. आजही बहुतांशी एटीएम रोकडअभावी बंद असून, बॅंकांतून पैसे काढण्यासाठी तासनतास उभे राहावे लागत आहे, तसेच डेबिट आणि क्रेडिट कार्डसंदर्भात दररोज नवीन जाहीर होणाऱ्या नियमांमुळे सामान्य गोंधळून गेले आहेत. त्यातही आरबीआयकडून नव्याने जारी होणाऱ्या सूचनांमुळे सामान्य नागरिक मेटाकुटीस आला आहे, त्यामुळे राष्ट्रवादी कॉंग्रेसने या निर्णयाचा निषेध करण्यासाठी राज्यव्यापी आंदोलन पुकारले होते. त्यानुसार सोमवारी राष्ट्रवादीच्या कार्यकर्त्यांनी राष्ट्रवादीचे स्थानिक खासदार, आमदार आणि नेत्यांच्या नेतृत्वाखाली आंदोलन केले. 

नाशिकमध्ये बैलगाड्यासह आंदोलन 
नाशिक - नोटाबंदी आणि त्यानंतर उद्‌भवलेल्या परिस्थितीच्या निषेधार्थ राष्ट्रवादी कॉंग्रेसतर्फे नाशिक शहर-जिल्ह्यात रस्त्यावर उतरून सरकारच्याविरुद्ध नारा दिला. तालुकानिहाय झालेल्या आंदोलनावेळी राष्ट्रवादीच्या कार्यकर्त्यांनी "अबकी बार, फेकू सरकार', "पैसे आमचे हक्काचे, नाही कुणाचे बापाचे', "कुठे नेऊन ठेवला पैसा आमचा' अशा घोषणा देण्यात आल्या. शेतकरी हे बैलगाड्या घेऊन आंदोलनात सहभागी झाले होते. 

राज्यातील आंदोलन 
पुणे : सासवडला पालिका चौकात रास्ता रोको आंदोलन 
पिंपरी ः शहरात राष्ट्रवादीचा मोर्चा 
औरंगाबाद : राष्ट्रवादी कार्यकर्त्यांची क्रांती चौकात घोषणाबाजी 
नेवासा (नगर) : तहसील कार्यालयावर सर्वपक्षीय भव्य मोर्चा 
सातारा : वाढे फाटा येथे रास्ता रोको आंदोलन 
कोल्हापूर : नोटाबंदीविरोधात महामार्गावर चक्काजाम आंदोलन 
लातूर : रेणापूर, अहमदपूर, जळकोटला आंदोलन 

नोटाबंदीच्या निर्णयाने जिल्हा बॅंकेची आणि त्यामुळे शेतकरी जनतेची अडवणूक सरकारने केली आहे. न्यायालयात जाऊनही जिल्हा बॅंकांवरील निर्बंध उठत नाहीत. केंद्र सरकार जाणीवपूर्वक अडवणूक करत आहेत. 
- सुप्रिया सुळे, खासदार 

पुणे

टाकवे बुद्रुक : कर्जमाफीच्या लाभार्थी शेतकऱ्यांची ऑनलाईन अर्ज भरायला सायबर कॅफेत रांग लागत आहे. ऑनलाईन अर्ज दाखल करायला...

03.57 PM

जुन्नर : शेतकरी कर्जमाफीचे अर्ज भरताना 'भीक नको पण कुत्रं आवर' असे म्हणण्याची वेळ शेतकऱ्यांवर आली असल्याचे कृषीनिष्ठ शेतकरी...

03.36 PM

औंध : औंधरस्ता येथील पडळवस्ती येथे शुक्रवारी रात्री लागलेल्या आगीत सतरा घरे जळून खाक झाल्याने सर्वच कुटूंबे उघड्यावर पडली आहेत...

12.45 PM