पदयात्रेने राष्ट्रवादीच्या प्रचाराचा प्रारंभ 

पदयात्रेने राष्ट्रवादीच्या प्रचाराचा प्रारंभ 

कात्रज - महापालिका निवडणुकीसाठी धनकवडी-आंबेगाव पठार प्रभागातील (क्र. 39) राष्ट्रवादी कॉंग्रेसचे उमेदवार आणि नगरसेवक विशाल तांबे, तसेच बाळासाहेब धनकवडे, श्रद्धा परांडे आणि अश्‍विनी भागवत यांच्या प्रचाराचा प्रारंभ भव्य पदयात्रा काढून नुकताच करण्यात आला. प्रभागातील नागरिक यात मोठ्या संख्येने सहभागी झाले होते. 

धनकवडीतील जानूबाई मंदिरापासून पदयात्रेला प्रारंभ झाला. त्या प्रसंगी बापूसाहेब धनकवडे, दत्तात्रेय धनकवडे, श्रीरंग आहेर पाटील, भाऊ महाराज परांडे, शंकर पाटील, मधुकर नवले, संतोष फरांदे, शांताराम धनकवडे आदी मान्यवर उपस्थित होते. मंदिरापासून शिवशंकर चौक, राम मंदिर, आंबेगाव पठार, धनकवडी गाव व शिवाई देवी मंदिरमार्गे चैतन्यनगरमध्ये या पदयात्रेची सांगता झाली. पदयात्रेत ठिकठिकाणी तांबे, धनकवडे, परांडे व भागवत यांचे महिलांकडून औक्षण करण्यात आले. ज्येष्ठ नागरिक संघाचे सदस्यही या प्रसंगी उपस्थित होते. तसेच महिलांचीही उपस्थितीदेखील लक्षणीय होती. 

धनकवडी टपाल कार्यालयाजवळ उभारण्यात आलेले शरदचंद्र बहुउद्देशीय भवन, पीआयसीटीजवळील रस्ता रुंदीकरण व चैतन्यनगरमध्ये साकारण्यात येत असलेले उद्यान इत्यादींबाबतची माहिती या वेळी मतदारांना देण्यात आली. तांबे यांनी गेल्या पाच वर्षांत साकारलेल्या विकासकामांचीही माहितीही अहवालाद्वारे या वेळी देण्यात आली. 

तांबे म्हणाले, ""धनकवडी, चैतन्यनगर परिसरात गेल्या पाच वर्षांत अनेक विकासकामे झाली आहेत. स्वारगेटपर्यंतची मेट्रो कात्रजपर्यंत आणण्यासाठी प्रयत्न सुरू आहेत. तसेच सद्‌गुरू शंकर महाराज उड्डाण पूल उभारण्याच्या आश्‍वासनाची पूर्तता केली आहे. आगामी काळात परिसरात सुसज्ज रुग्णालय, नाट्यगृह व ई- लर्निंग स्कूल साकारण्यात येईल.'' 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com