दुसरी पिढीही निवडणुकीच्या आखाड्यात

मंगेश कोळपकर
रविवार, 1 जानेवारी 2017

पुणे - आगामी महापालिका निवडणुकीची संधी साधत राष्ट्रवादी काँग्रेस, काँग्रेस, भारतीय जनता पक्ष, शिवसेना आणि महाराष्ट्र नवनिर्माण सेनेतून राजकारणातील दुसरी पिढी निवडणुकीच्या आखाड्यात उतरण्याची तयारी करीत आहे. काही पदाधिकारी स्वतःबरोबरच मुलगा, मुलीला किंवा सुनेला उमेदवारी मिळविण्यासाठी प्रयत्नशील आहेत.

पुणे - आगामी महापालिका निवडणुकीची संधी साधत राष्ट्रवादी काँग्रेस, काँग्रेस, भारतीय जनता पक्ष, शिवसेना आणि महाराष्ट्र नवनिर्माण सेनेतून राजकारणातील दुसरी पिढी निवडणुकीच्या आखाड्यात उतरण्याची तयारी करीत आहे. काही पदाधिकारी स्वतःबरोबरच मुलगा, मुलीला किंवा सुनेला उमेदवारी मिळविण्यासाठी प्रयत्नशील आहेत.

खासदार अनिल शिरोळे यांचे पुत्र सिद्धार्थ, भीमराव तापकीर यांचा मुलगा रोहन, पुतण्या अभिषेक, आमदार जयदेव गायकवाड यांचा मुलगा मयूर, आमदार योगेश टिळेकर यांचा भाऊ चेतन, माजी महापौर अली सोमजी यांचा मुलगा नुरुद्दीन, माजी उपमहापौर दीपक मानकर यांचा मुलगा राघवेंद्र ऊर्फ बापू, शिवाजी गदादे यांचा मुलगा प्रेमराज, माजी नगरसेवक शांतिलाल मिसाळ यांची मुलगी काजल, लालसिंग परदेशी यांची सून वैशाली, शिवाजी केदारी यांचा मुलगा साहिल, लता राजगुरू यांचा मुलगा अमोल, शंकरराव म्हात्रे यांची सून रजनी, शंकरराव कुरुमकर यांचा मुलगा सुधीर, शिवराम मेंगडे यांचा मुलगा सुशील, प्रकाश म्हस्के यांचा मुलगा कुणाल, राजाभाऊ तुंगतकर यांचा मुलगा प्रतीक, गणेश घुले यांचा मुलगा गौरव, आंदेकर कुटुंबातून वनराज आणि शिवम आदी महापालिका निवडणुकीसाठी इच्छुक आहेत.

राजकारणात कौटुंबिक वारसा असलेली अनेक कुटुंबे शहरात आहेत. शिवाजीनगरमधून शिरोळे, ताडीवाला रस्ता परिसरातून ढोले पाटील, कात्रज- कोंढव्यातून बाबर, कदम, धनकवडीतून धनकवडे, नगर रस्त्यावरून पठारे, टिंगरे, मुळीक, म्हस्के; हडपसरमधून तुपे, मुंढव्यातून गायकवाड, सिंहगड रस्त्यावरून दांगट, चाकणकर, चरवड; पर्वतीमधून तावरे, लांडगे, लष्कर भागातून मंत्री, मगरपट्टा परिसरातून कवडे, वारज्यातून बराटे, बारटक्के; औंधमधील गायकवाड, पाषाणमधून निम्हण, बाणेर- बालेवाडीमधून चांदेरे, बालवडकर आदी कुटुंबांतूनही नवी पिढी निवडणुकीसाठी इच्छुक आहे.

काही कुटुंबांतून विद्यमान सदस्यांचा मुलगा, मुलगी किंवा सून रिंगणात उतरण्याच्या मनःस्थितीत आहेत. आरक्षणामुळे काही सदस्यांनी मुलीचा किंवा सुनेचाही पर्याय खुला ठेवला आहे. काहीजणांनी उमेदवारी अर्ज घेतले आहेत; परंतु प्रभागात राजकीय पक्षांकडून समोरून कोणते उमेदवार येतील, यावर उमेदवारी ठरविणार आहे. कौटुंबिक वारसा असलेल्या कुटुंबात निवडणुकीचे गणित माहीत असते. तसेच, परिसरातील मतदारांना आडनावामुळे कुटुंबाची माहिती झालेली असते, त्याचा फायदा निवडणुकीत घेता येऊ शकतो, असे एका इच्छुकाने ‘सकाळ’शी बोलताना सांगितले.

पुणे

टाकळी हाजी (ता. शिरूर, जि. पुणे): भारत देश हा विविध जाती धर्म व संस्कृतीने जगात आगळावेगळा म्हणून ओळखला जातो. स्व. माजी राष्ट्रपती...

02.30 PM

जुन्नर : शिरोली बुद्रुक ता.जुन्नर येथील प्रसाद थोरवे यांच्या घरात घुसलेल्या सुमारे सहा फूट लांबीच्या नागास जुन्नर येथील सर्प...

02.09 PM

खडकवासला : टेमघरमार्गे लवासाकडे जाणाऱ्या घाटात मंगळवारी एका मिनीबसचा ब्रेक निकामी झाल्याने अपघात झाला. झाड व कठड्यात बस अडकल्याने...

08.30 AM