β पुण्याला नावं ठेवायची फॅशनच आहे!

अमित घरत
गुरुवार, 23 जून 2016

आजकाल पुण्याला नावं ठेवायची फॅशनच आली आहे. "ई-सकाळ‘वर एखादी बातमी पुण्याची असेल, तर ‘पुण्याचे लोक किती बेशिस्त, पुणेकर किती अरेरावी करतात‘ वगैरे प्रतिक्रिया येत असतात. पण विचार करण्यासारखी एक महत्त्वाची गोष्ट म्हणजे, हे पुणेकर तुमचे-आमचे मित्र, मैत्रिणी, नातेवाईकच आहेत; जे नोकरी, शाळा, कॉलेज यासाठी पुण्यात आले आहेत. 

आजकाल पुण्याला नावं ठेवायची फॅशनच आली आहे. "ई-सकाळ‘वर एखादी बातमी पुण्याची असेल, तर ‘पुण्याचे लोक किती बेशिस्त, पुणेकर किती अरेरावी करतात‘ वगैरे प्रतिक्रिया येत असतात. पण विचार करण्यासारखी एक महत्त्वाची गोष्ट म्हणजे, हे पुणेकर तुमचे-आमचे मित्र, मैत्रिणी, नातेवाईकच आहेत; जे नोकरी, शाळा, कॉलेज यासाठी पुण्यात आले आहेत. 

पुण्यातील वाहतूक व्यवस्था हा एक कळीचा मुद्दा आहे. कारण, मुंबईसारखे रेल्वेचे जाळे इथे नाही. त्यामुळे सगळा ताण रस्त्यांवरच येतो. लोकांच्या बेशिस्तपणामुळे हा ताण आणखी वाढतो आणि त्यामुळे लोकांवरच त्याचा परिणाम जाणवतो. ‘बीआरटी‘चा पर्यायही या वाहतूक कोंडीला थांबवू शकलेला नाही. हडपसर-कात्रज बीआरटीमधून खासगी वाहनेनी सर्रास धावत असतात. वाहतूक पोलिसही त्यावर काहीच कारवाई करत नाहीत.

सध्या पिंपरी-चिंचवडमध्ये सुरू असलेला बीआरटी प्रकल्प आणि रस्त्याचे झालेले रुंदीकरण यामुळे इथे काही प्रमाणात वाहतूक सुखाची झाली आहे. पण केवळ प्रश्‍न निर्माण करण्यापेक्षा त्यावर उत्तरे शोधण्याची गरज आहे. 

वाहतूक कोंडी होण्याची काही कारणे : 
1) रस्त्यावर असलेली पथारीवाल्यांची दुकाने 
2) अनधिकृत रिक्षास्टॅंड 
3) रेल्वेक्रॉसिंगसाठी हवा असलेला उड्डाणपूल किंवा भुयारी मार्गाचा अभाव 
4) बीआरटीमध्ये घुसणारे खासगी वाहनचालक 

या सर्वांवर काही तोडगा निघायला हवा. 

अनेक वर्षांपासून प्रलंबित असलेला शहर विकास आराखडा, रस्त्याचे गरजेचे असलेले रुंदीकरण, हातगाड्या, पथारीवाले यांच्यापासून मुक्त झालेले रस्ते, स्वतंत्र रिक्षास्टॅंड आणि सर्वांत महत्त्वाचा म्हणजे लोकसहभाग या गोष्टी होणे आवश्‍यक आहे. ‘आता उठवू सारे रान‘सारखी चळवळ उभी राहिली पाहिजे आणि हे पुण्यात नक्कीच होऊ शकते. मग ‘पुणे तिथे काहीच नसे उणे‘ अशी म्हण तयात व्हायला वेळ लागणार नाही.