महिला पोलीस उपनिरीक्षक, कर्मचाऱ्याला 15 हजार रुपयांची लाच घेताना पकडले

सकाळ वृत्तसेवा
बुधवार, 25 ऑक्टोबर 2017

एका बलात्काराच्या गुन्ह्यातील आरोपी विरूद्ध पॉझिटिव्ह रिपोर्ट पाठवण्यासाठी 15 हजाराची लाच घेताना त्यांना पकडण्यात आले. दरम्यान या घटनेने पुणे पोलीस दलात मोठी खळबळ उडाली आहे

पुणे : कोंढवा पोलीस ठाण्यातील एका महिला पोलीस उपनिरीक्षक आणि कर्मचाऱ्याला 15 हजार रुपयांची लाच घेताना लाचलुचपत विभागाने रंगेहाथ पकडले. ही कारवाई आज (बुधवार) 3 वाजण्याच्या सुमारास करण्यात आली. बलात्काराच्या गुन्ह्यातील रिपोर्ट पॉझिटिव्ह पाठवण्यासाठी लाच घेतली जात होती. 

उपनिरीक्षक स्वाती मोरे आणि कर्मचारी हर्षल असे पकडण्यात आलेल्या दोघांची नावे आहेत. मोरे व हर्षल हे कोंढवा पोलीस ठाण्यात कर्तव्यास आहेत. एका बलात्काराच्या गुन्ह्यातील आरोपी विरूद्ध पॉझिटिव्ह रिपोर्ट पाठवण्यासाठी 15 हजाराची लाच घेताना त्यांना पकडण्यात आले. दरम्यान या घटनेने पुणे पोलीस दलात मोठी खळबळ उडाली आहे.

Web Title: pune news: bribe police