पुणेः नगरमध्ये ज्येष्ठ नागरिकाचा खून करणारे दांपत्य ताब्यात

file photo
file photo

पुणेः अहमदनगरमध्ये ज्येष्ठ नागरिकाचा खून करून पसार झालेले दांपत्याला विश्रामबाग पोलिसांनी शिताफीने नुकतेच ताब्यात घेतले आहे, अशी माहिती पोलिसांनी दिली.

पोलिसांनी दिलेल्या माहितीनुसार, अहमदनगर येथील एमआयडीसीमधील राजलक्ष्मी कंपनीसमोर असलेल्या भाटीया कँटीनजवळ अशोक सोमई (वय 70, रा. ठाणे) यांचा 3 जुलै 2017 रोजी रात्री साडेनऊच्या सुमारास खून झाला होता. अनिल गायकवाड हा सुरक्षारक्षकाचे तेथे काम करत होता. खून झाल्यानंतर अनिक गायकवाड व त्याची पत्नी प्राची हे दांपत्य फरार झाले होते. खुनाच्या घटनेनंतर गायकवाड दांपत्याविरुद्ध तक्रार दाखल झाली होती.

विश्रामबाग पोलिस ठाणेमधील कर्मचारी नाईक बाबा दांगडे यांना खबऱयाकडून गायकवाड दांपत्य एका चहाच्या टपरीवर चहा पित असल्याची माहिती मिळाली होती. पोलिसांनी घटनास्थळी जाऊन दोघांना ताब्यात घेतले. तपासादरम्यान त्यांनी खूनाची कबुली दिली. अनिलवर खून, खूनाचा प्रयत्न, चोरी, घरफोडी असे गुन्हे दाखल आहेत.

अपर पोलिस आयुक्त रविंद्र सेनगावकर, परिमंडळ 1चे पोलिस उप-आयुक्त बसवराज तेली, सहाय्यक पोलिस आयुक्त शरद उगले यांच्या मार्गदर्शनाखाली विश्रामगाब पोलिस ठाण्याचे वरिष्ठ पोलिस निरीक्षक अप्पासाहेब शेवाळे, पोलिस उप-निरीक्षक महेंद्र पाटील, पोलिस हवालदार शरद वाकसे, सचिन सुपेकर, बाबा दांगडे, सचिन जगदाळे, धीरज पवार, अर्चना पेरणे व रेखा बनकर यांनी कारवाई केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com