प्रकाशनपूर्व विक्रीचा विक्रम

प्रकाशनपूर्व विक्रीचा विक्रम

पुणे - सद्‌गुरू लिखित ‘इनर इंजिनिअरिंग’ या न्यूयॉर्क टाइम्स बेस्ट सेलर पुस्तकाचा ‘सकाळ प्रकाशना’च्या वतीने ‘आत्मज्ञानाचे विज्ञान’ या नावाने प्रसिद्ध होत असलेल्या मराठी अनुवादाच्या प्रकाशनपूर्व नोंदणीला उत्स्फूर्त प्रतिसाद मिळाला आहे. प्रकाशनापूर्वीच पुस्तकाच्या तब्बल १२००हून अधिक प्रतींची नोंदणी व विक्री झाली आहे. 

आत्मज्ञानासारख्या तात्त्विक विषयाची अतिशय सोप्या भाषेत, वैज्ञानिक पद्धतीने मांडणी सद्‌गुरूंनी ‘इनर इंजिनिअरिंग’ या पुस्तकात केली आहे. विज्ञानात जसे कोणतेही गृहीतक तपासून मगच सिद्ध केले जाते, त्याप्रमाणेच सद्‌गुरूंनी पुस्तकात मांडलेले सर्व विचार शास्त्राच्या कसोटीवर पारखून व त्यांना स्वानुभूतीची जोड देऊन सिद्ध केले आहेत. 

पुस्तकाचा उद्देश सर्वसामान्य माणसांना आणि विशेषतः युवा पिढीला आनंदी राहण्याचा मार्ग कसा मिळेल, असा असल्याने ‘सकाळ प्रकाशना’ने हे पुस्तक मराठी वाचकांसाठी उपलब्ध करून देण्याचे ठरवले. अविनाश बर्वे यांनी या पुस्तकाचा अर्थवाही अनुवाद केला आहे.  

देशविदेशांत अक्षरशः लाखो वाचक लाभलेले ‘इनर इंजिनिअरिंग’ हे पुस्तक जाणकारांनीही गौरवले आहे. न्यूयॉर्क टाइम्स या अग्रगण्य अमेरिकी वृत्तपत्रातर्फे होणाऱ्या सर्वोत्तम खपावर आधारित सर्वेक्षणात या पुस्तकाला 
सर्वोत्तम पुस्तकांच्या यादीत स्थान मिळाले आहे. 
आत्मज्ञानासारख्या गंभीर विषयाची सर्वसामान्यांसाठी शास्त्रशुद्ध मांडणी करणारे हे पुस्तक वाचावे, अनुभवावे असेच आहे.

‘आत्मज्ञानाचे विज्ञान’ हे पुस्तक ‘सकाळ’च्या पुण्यातील मुख्य कार्यालयात, तसेच सर्व आवृत्ती कार्यालयांत आणि महाराष्ट्रातील सर्व पुस्तक विक्रेत्यांकडे उपलब्ध आहे.

ऑनलाइन खरेदीसाठी संपर्क www.sakalpublications.com  किंवा amazon.in
ऑर्डरसाठी पत्ता - ‘सकाळ प्रकाशन’, ५९५ , बुधवार पेठ, पुणे - ४११००२.
अधिक माहितीसाठी संपर्क ८८८८८४९०५० (कार्यालयीन वेळेत)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com