बावधनजवळ बुलेट- टेम्पोच्या अपघातात 3 युवक जागीच ठार

अपघात file photo
अपघात file photo

पुणे / औंध : मुंबई - सातारा महामार्गावर पाषाणकडून बावधन मार्गे कोथरूडला जात असताना महामार्गावर थांबलेल्या टेम्पोला भरधाव बुलेट अडकून तीन महाविद्यालयीन तरुण जागीच ठार झाले. यात विपूल राजसिंग (25), अमनराज सिंग (24), आश्विन अगरवाल (23)  हे तिघेजण जागीच ठार झाले.

मुंबईहून साताऱ्याला पीव्हीसी पाईप घेऊन जाणारा टेम्पो (एमएच 12 एमव्ही 5428) डिझेल संपल्याने बावधन येथे महामार्गावर डाव्या बाजूला थांबवला व चालक डिझेल आणायला गेला. त्यावेळी पहाटे दीडच्या सुमारास  दिडच्या सुमारास बभरधाव वेगाने येणारी बुलेट (बीएचआर 1 बीआर 7402) ही  टेम्पोला जोरात धडकली. यामुळे तिघांनाही गंभीर मार लागला व यात तिघेही जागीच ठार झाले. त्यांच्यासह दुसऱ्या दुचाकीवर सोबत असलेल्या मित्रांनी त्यांना दवाखान्यात दाखल केले. परंतु तोपर्यंत तिघेही मृत्युमुखी पडले होते.

टेम्पो चालकाने पोलिसांना माहिती दिल्यानंतर हिंजवडी पोलिस ठाण्याचे वाहतुक विभागाचे निरिक्षक प्रकाश पाटील यांनी घटनास्थळी येऊन पाहणी केली. तसेच हिंजवडी पोलिसांनी घटनेचा पंचनामा केला असता त्या तरूणांच्या खिशात गांजा सापडल्याचे आढळून आले. रात्री हे सर्व तरूण कोथरूडला जाताना नशेत होते की नाही याची माहिती त्याचा अहवाल आल्या नंतरच कळू शकेल. पुढील तपास हिंजवडी पोलिस करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com