बोलायला गडी हुश्‍शार! (ढिंग टांग)

ब्रिटिश नंदी
शनिवार, 7 जानेवारी 2017

बोलायला गडी नंबरी हुश्‍शार
कुर्ऱ्यात असतोय तालेवार
पण आपल्याला करतोय नमस्कार!
- म्हंजे आम्ही मेलोच की!

साहेब तुमचं धरलं बोट,
आलो हितवर चोखचखोट
मलाच गळ्यात हार घालतंय,
- म्हंजे आम्ही मेलोच की!

बोलतंय तर असं लाघवी
जणू गुळाच्या पाकात काकवी
अस्सं गुऱ्हाळ लावतंय बेणं,
- म्हंजे आम्ही मेलोच की!

म्हटला, ‘‘अशानं असं होतंय
जुनं दोस्तदार गळपाटतंय!
तुम्हीच द्यावा की पाठबळ, साहेब,
- म्हंजे आम्ही मेलोच की!

बोलायला गडी नंबरी हुश्‍शार
कुर्ऱ्यात असतोय तालेवार
पण आपल्याला करतोय नमस्कार!
- म्हंजे आम्ही मेलोच की!

साहेब तुमचं धरलं बोट,
आलो हितवर चोखचखोट
मलाच गळ्यात हार घालतंय,
- म्हंजे आम्ही मेलोच की!

बोलतंय तर असं लाघवी
जणू गुळाच्या पाकात काकवी
अस्सं गुऱ्हाळ लावतंय बेणं,
- म्हंजे आम्ही मेलोच की!

म्हटला, ‘‘अशानं असं होतंय
जुनं दोस्तदार गळपाटतंय!
तुम्हीच द्यावा की पाठबळ, साहेब,
- म्हंजे आम्ही मेलोच की!

बोलतंय तर असं बोलतंय
कुणाला वाटंल, छाताड फुगलंय
मोजून छप्पन इंच भरतंय,
- म्हंजे आम्ही मेलोच की!

म्हटला, ‘‘अधूनमधून येतंय हितं
चार युक्‍त्या शिकून घेतं
तुम्हीच आमचं गुरुम्हाराज,’’
- म्हंजे आम्ही मेलोच की!

म्हटला, ‘‘तुपलं-मपलं काही नाही,
समदं राज्ये तुमच्याच पायी,
तर शिंपल कंडम माणूस,’’
- म्हंजे आम्ही मेलोच की!

अस्सं बसतंय, आडवा पाट!
अस्सं चालतंय, घालतोय चाट!
अस्सं बोलतंय, मंजुळ वाणी,
- म्हंजे आम्ही मेलोच की!

दणादणा मीटिंगा घेतंय,
भडाभडा भाशाण ठोकतंय,
‘मित्रों’ म्हणत गळा धरतंय,
- म्हंजे आम्ही मेलोच की!

येवढी एनर्जी कुठून आणतोय?
कुठल्या चक्‍कीचा आटा खातोय?
विच्यारलं तर म्हणतंय ‘तुमचंच दुकाण!’
- म्हंजे आम्ही मेलोच की!

भराभरा देश फिरतंय
भसाभसा मिठ्या मारतंय
घसाघसा हात मिळवतंय,
- म्हंजे आम्ही मेलोच की!

‘‘पण्णास दिवस मोहलत द्या,
चेपलीनं मारा, जर चुकलं उद्या! 
मोजू नका अदेबाज’’ म्हणतंय,
- म्हंजे आम्ही मेलोच की!

काही बी करा, कसं बी करा
पब्लिकला कायम ह्याचाच धोसरा!
कितीही म्येलं, तरी बी मारतंय,
- म्हंजे आम्ही मेलोच की!

दोन एकरात वांगी घेतली,
नोटाबंदीत समदी किडली
तरीही म्हणतंय, ‘‘भरीत करा,’’
- म्हंजे आम्ही मेलोच की!

काय केलं तर जाईल पीडा?
कसा सुटावा असला तिढा?
एक म्हणता दुसरंच होतंय,
- म्हंजे आम्ही मेलोच की!

दुस्मन म्हणावा तर भलतंच लाड!
वस्तादालाच धोबीपछाड?
खाणीत तेच, मातीत तेच,
- म्हंजे आम्ही मेलोच की!

संपादकिय

पंतप्रधान नरेंद्र मोदी यांनी लाल किल्ल्यावरून स्वातंत्र्यदिनानिमित्त केलेल्या...

02.18 AM

उत्तर प्रदेशचे मुख्यमंत्री योगी आदित्यनाथ यांच्या गोरखपूर या बालेकिल्ल्यातील बाबा...

01.24 AM

आहार चौरस असावा, असं आपल्याला शालेय जीवनापासून वयस्कर होईपर्यंत आवर्जून सांगितलं...

01.24 AM