कलजुग! (ढिंग टांग)

Dhing Tang
Dhing Tang
रामचंद्र कहे गए सियासे
ऐसा कलजुग आएगा..
हंस चुगेगा दाना दुनका
कौआ मोती खाएगा...

नद्या कोरड्या, विहिरी बुजतील
हापशी टाकी उसासे
डोळ्यांमधले आटेल पाणी
नशीब देईल झासे
आणि दुधाची गंगा तेव्हा
सडकेमधुनी वाहील गा...

हंस चुगेगा दाना दुनका
कौआ मोती खाएगा...

शेते सुकतील, मॉल बहरतील
दुष्काळाचे फुलती मळे
शेतशिवारी विस्तव आणि
चुल्ह्यामध्ये शेणखळे
शहरामध्ये रोज दिवाळी,
बांधावरती रे शिमगा...

हंस चुगेगा दाना दुनका
कौवा मोती खाएगा...

देश की धरती सोना उगले,
उगले हिरे मोती...
दिडदमडीच्या मक्‍कईफुलांचे
पॉपकॉर्न की होती...
वरणामध्ये घाणचि झाली,
तूरडाळ मग देई दगा...

हंस चुगेगा दाना दुनका
कौवा मोती खाएगा...

शिवारातल्या बांधावरती
येईल टूर नि यात्रा
संवादाच्या नावाखाली
हाती देईल फत्रा
शेतकऱ्याचा कुणी न सोयरा
आणि कुणी ना येथ सगा...

हंस चुगेगा दाना दुनका
कौवा मोती खाएगा...

तुला दयाळा का न फुटे गा
शेतकऱ्याचा पान्हा
टाळ्यांसाठी वाजवितो का
पावा तुमचा कान्हा?
ब्रह्म नासले, विश्‍व बुडाले
कैवल्याचा फुटे फुगा...

हंस चुगेगा दाना दुनका
कौवा मोती खाएगा

व्होट बोट औ राजनीत के
सब है कारोबारी
"प्रजातंत्र की जय हो' ऐसा
कहेगी दुनिया सारी
बीज पिरोनेवाला इक दिन
माटी में मिल जाएगा...

बोलो बोलो,
रामचंद्र कहे गए सिया से....

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com