अशी बोलते माझी कविता (शुभदा दीक्षित)

शुभदा दीक्षित, पुणे (९८८१० ६२११५)
रविवार, 12 फेब्रुवारी 2017

पैल नेते वाट...

मूक झाले शब्द माझे
स्तब्धल्या संवेदना
मौन झाल्या भावनाही
सुन्न झाल्या चेतना

सूर जरि हा वेदनेचा
खोल हृदयी गोठला
जीवनाच्या भैरवीचा
षड्‌ज आता लागला!

तृप्त झालो...जाउ द्या मज
ढाळता का आसवे?
या निरोपाच्या क्षणाला
हासू असो तुमच्यासवे

पैल नेते वाट मज जी
देखणी आहे किती
मजपुढे साक्षात मृत्यू...
भासतो सुंदर अती! 

पैल नेते वाट...

मूक झाले शब्द माझे
स्तब्धल्या संवेदना
मौन झाल्या भावनाही
सुन्न झाल्या चेतना

सूर जरि हा वेदनेचा
खोल हृदयी गोठला
जीवनाच्या भैरवीचा
षड्‌ज आता लागला!

तृप्त झालो...जाउ द्या मज
ढाळता का आसवे?
या निरोपाच्या क्षणाला
हासू असो तुमच्यासवे

पैल नेते वाट मज जी
देखणी आहे किती
मजपुढे साक्षात मृत्यू...
भासतो सुंदर अती! 

Web Title: shubhada dixits poem in saptarang
टॅग्स