देशात ऑडीच्या इलेक्ट्रिक कारसाठी बुकिंग सुरु

मुंबई : ऑडी इंडियाने इलेक्ट्रिक एसयूव्हीसाठी ऑडी ई-ट्रोन आणि ऑडी ई-ट्रोन स्पोर्टबॅकसाठी बुकिंग सुरु केले आहे. या दोन्ही कार ड्युअल मोटर सेटअपद्वारे बनवलेल्या आहेत. तसंच त्या ३०० केडब्ल्यू / ४०८ एचपी आणि ६६४ एनएमचा टॉर्क तयार करत असून ९५ किलोवॅट क्षमतेच्या बॅटरीमुळे मोठ्या प्रमाणावर पॉवर मिळते. या दोन्ही गाड्या ५.७ सेकंदात ०-१०० किमी प्रतितासचा वेगाचा गाठतात. या कार एका चार्जिंगमध्ये ३५९ ते ४८४ किलोमीटर्सचा पल्ला पार करू शकतात. (audi-starts-bookings-in-india-for-all-electric-suv)

प्रोग्रेसिव्ह स्टीयरिंग, अ‍ॅडॉप्टिव्ह एअर सस्पेंशन, ४ झोन एअर कंडिशनर, मॅट्रिक्स एलईडी हेडलॅम्प्स, ११ केडब्ल्यू एसी होम चार्जर (८.५ तासात कारला पूर्ण चार्जे करण्यासाठी), या स्टॅंडर्ड सुविधा या गाड्यांमध्ये आहेत. ऑडी इंडिया डीलरशिपमध्ये व कंपनीच्या अधिकृत संकेतस्थळावर या गाड्या बुक केल्या जाऊ शकतात.

"इलेक्ट्रिक वाहने ही सध्याचं भविष्य आहेत. म्हणूनच आम्हाला एसयूव्ही ऑडी ई-ट्रोन व ऑडी ई-ट्रोन स्पोर्टबॅक या दोन इलेक्ट्रिक गाड्यांसाठी बुकिंग सुरु करताना आनंद मिळतोय. ई-ट्रोन केवळ एक उत्पादन नाही. तर ब्रँड आहे. आम्ही या ब्रँडखाली अनेक नवीन मॉडेल बाजारात आणणार आहोत", असं ऑडी इंडियाचे प्रमुख बलबीर सिंह ढिल्लो म्हणाले.