चॅम्पियन्स ट्रॉफीनिमित्त गुगलचा डुडलद्वारे खास गेम

चॅम्पियन्स ट्रॉफीनिमित्त गुगलचा डुडलद्वारे खास गेम!
चॅम्पियन्स ट्रॉफीनिमित्त गुगलचा डुडलद्वारे खास गेम!

नवी दिल्ली : लोकप्रिय सर्चइंजिन "गुगल'ने चॅम्पियन्स ट्रॉफीच्या पार्श्‍वभूमीवर खास डुडल आणि गेम तयार केला आहे. गुगलने विशेष डुडल तयार केले असून पारंपारिक पद्धतीने डुडलवर क्‍लिक केल्यानंतर लेख, माहिती किंवा चित्रे दिसण्याऐवजी क्रिकेटचा एक अनोखा गेम खेळण्याची संधी गुगलने युजर्सना उपलब्ध करून दिली आहे.

चॅम्पियन्स क्रिकेट ट्रॉफीमध्ये भारत, ऑस्ट्रेलिया, पाकिस्तान, श्रीलंका, बांगलादेश, दक्षिण आफ्रिका, न्यूझीलंड या देशांच्या टीमचा समावेश आहे. या पार्श्‍वभूमीवर गुगलने डुडल तयार केले आहे. भारतासह जगभरातील एकूण नऊ देशांच्या गुगलच्या होमपेजवर हे डुडल दिसत आहे. या डुडलवर क्‍लिक केल्यानंतर आकर्षक, साधा आणि सोपा गेम सुरू होतो. विशेष म्हणजे गेममध्ये दिसणारे सर्व खेळाडू म्हणजे गोगलगायी आहेत. त्यामुळे हा गेम अधिक आकर्षक वाटत आहे. हा खेळ कमी वेगाच्या नेटवर्कवरही सहज खेळता येईल अशा पद्धतीने तयार करण्यात आल्याचे "गुगल'ने म्हटले आहे. युजरचा सहभाग असलेले हे आतापर्यंतचे सर्वांत कमी आकाराचे डुडल असल्याचेही गुगलने सांगितले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com