व्हॉट्सअॅपवर दिवसभरातून कितीतरी मेसेज येत असतात. परंतू एखादा मेसेज पाठवणाऱ्याने स्वतः टाईप केला आहे की तो 'Forwarded message' आहे, हे ओळखता येत नसे. पण यापुढे व्हॉट्सअॅपवर येणारा मेसेज 'Forwarded' असल्यास तशी माहिती देणारे अपडेट व्हॉट्सअॅपने आणले आहे.
व्हॉट्सअॅपवर आलेला मेसेज फॉरवर्ड करणारे बरेच लोक आहेत. या फॉरवर्ड मेसेजमुळे अनेकदा खोट्या बातम्या किंवा अफवा पसरवणाऱ्यांचे फावते. व्हॉट्सअॅपच्या या अपडेटमुळे मात्र आता एखाद्याने पाठवलेला मेसेज फॉरवर्ड केलेला असेल तर ते ओळखणे शक्य आहे. अशा मेसेजवर ‘Forwarded’ असे लेबल दिसेल. हे लेबल हटवता येणे शक्य नसल्याने आपल्याला आलेला मेसेज पाठवणाऱ्याने स्वतः टाईप केला आहे की‘Forwarded’ आहे हे ओळखता येईल.
सध्या अँड्राईड बीटा व्हर्जनवर (2.18.179) हे अपडेट उपलब्ध असून लवकरच सर्व व्हॉट्सअॅप युजर्ससाठी हे फिचर उपलब्ध होईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.