कॉंग्रेस-राष्ट्रवादी आठ जागांवर आमने-सामने 

कॉंग्रेस-राष्ट्रवादी आठ जागांवर आमने-सामने 

कॉंग्रेस-राष्ट्रवादी आठ जागांवर आमने-सामने 


जळगाव : पालिकेतील सत्ताधारी गटासह राज्य व केंद्रातील सत्ताधीश भाजपला आक्रमक विरोधाचा पवित्रा घेत महापालिका निवडणुकीसाठी आघाडी करून रिंगणात उतरलेले कॉंग्रेस-राष्ट्रवादीचे उमेदवार आठ ठिकाणी आमने-सामने उभे ठाकले आहेत. दोन ठिकाणी समाजवादी पक्ष व राष्ट्रवादी, तर एका जागेवर या तीनही पक्षांचे उमेदवार रिंगणात आहेत. 
भाजप व शिवसेनेशी सारखे वैर ठेवून कॉंग्रेस-राष्ट्रवादी आघाडीने महापालिकेचे मैदान गाजविण्याचे यावेळी ठरविले. आघाडीच्या बैठका झाल्या, जागावाटपही निर्विघ्नपणे पार पडले. मात्र, आता माघारीनंतर लढतींचे चित्र स्पष्ट झाले आणि आठ जागांवर कॉंग्रेस-राष्ट्रवादीचे उमेदवार समोरासमोर ठाकले असल्याचे दिसून आले. 

आघाडीनंतरही आमने-सामने 
प्रभाग क्र. 1 "क'मध्ये खान जरीनाबी शेर (कॉंग्रेस) व खान नजीम मोहम्मद (राष्ट्रवादी), प्रभाग क्र. 5 "ड'मध्ये सय्यद फारुक सय्यद गफ्फार (कॉंग्रेस), रहीम बलदार तडवी (राष्ट्रवादी), प्रभाग क्र. 6 "ड'मध्ये श्‍यामकांत दगडू तायडे (कॉंग्रेस), किरण लक्ष्मण राजपूत (राष्ट्रवादी), प्रभाग क्र. 8 "ड'मध्ये स्वप्नील प्रकाश नेमाडे (राष्ट्रवादी), राजेंद्र ताराचंद सोनवणे (कॉंग्रेस), प्रभाग क्र. 10 "क'मध्ये अरुणा दीपक पाटील (कॉंग्रेस) व नलूबाई देवसिंग पाटील (राष्ट्रवादी), प्रभाग क्र. 15 "ड'मध्ये शेख आसिफ अन्वर (राष्ट्रवादी) व दीपक पुंडलिक बाविस्कर (कॉंग्रेस), प्रभाग क्र. 16 "अ'मध्ये मनोज डिगंबर चौधरी (कॉंग्रेस) व आशा शांताराम सूर्यवंशी (राष्ट्रवादी) यांच्यात लढत होत आहे. 
याशिवाय प्रभाग क्र. 1 "क'मध्ये कमल हिरामण पाटील (राष्ट्रवादी) व मोहिनी विशाल वाघ (समाजवादी पक्ष) यांच्यात, तर प्रभाग क्र. 16 "ड'मध्ये भरत दिलीप बाविस्कर (कॉंग्रेस), सुरेशकुमार कुकरेजा (राष्ट्रवादी) व मोहम्मद इकबाल अब्दुल समर (समाजवादी पक्ष) या आघाडीतील तिघांमध्ये लढत होत आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com