नापिकी, कर्जाला कंटाळून शेतकऱ्याची आत्महत्या

काशिराम गंगाराम ठेलारी
काशिराम गंगाराम ठेलारी

निजामपूर-जैताणे (साक्री-धुळे) : माळमाथा परिसरातील शिवाजीनगर (ता. साक्री) येथील अल्पभूधारक शेतकरी काशिराम गंगाराम ठेलारी (वय 47) यांनी नुकतीच नापिकी व कर्जबाजारीपणाला कंटाळून आत्महत्या केली. सोमवारी सायंकाळी साडेपाचच्या सुमारास त्यांनी शेतात विषारी औषध प्राशन केले होते.

ठेलारी यांचे गुरुवारी (ता. 5) उपचारादरम्यान रुग्णालयातच त्यांचे निधन झाले. त्यांच्यावर स्टेट बँक ऑफ इंडियाचे व जिल्हा मध्यवर्ती बँकेचे लाखो रुपयांचे कर्ज होते. त्यांची शिवाजीनगर शिवारात चार एकर शेतजमीन असून ते गेल्या तीन-चार वर्षांपासून नापिकीमुळे आर्थिक विवंचनेत होते. शेतीत टाकलेले भांडवलसुद्धा निघत नव्हते. नुकतेच निजामपूर-जैताणे येथे सोमवारी (ता. 2) आठवडेबाजारानिमित्त आलेले असताना पिकांवर मारण्यासाठी फवारणीची औषधे व कीटकनाशके घेऊन ते शेतात गेले. तेथे त्यांनी विषारी औषध प्राशन केले.

घरच्यांना घडलेला प्रकार लक्षात आल्यानंतर त्यांनी साक्री ग्रामीण रुग्णालयात व तेथून पुढे धुळे जिल्हा रुग्णालयात त्यांना उपचारासाठी दाखल केले. गुरुवारी उपचारादरम्यान धुळे जिल्हा रुग्णालयातच त्यांचे निधन झाले. त्यांच्यावर शिवाजीनगर येथे शोकाकुल वातावरणात अंतिमसंस्कार करण्यात आले. काशीराम ठेलारींच्या मृत्यूने शिवाजीनगर परिसरात हळहळ व्यक्त होत आहे. दरम्यान, निजामपूर पोलिस ठाण्यात अद्याप घटनेची नोंद झालेली नव्हती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com