उंची वाढविण्याचा खेळ मुलांच्या जिव्हारी!

Chalisgaon
Chalisgaon

मेहुणबारे ता.चाळीसगाव : परीक्षा संपून मुलांना नुकत्याच दिवाळीच्या सुट्या लागल्या आहेत. त्यामुळे मुले विविध खेळ खेळण्यात मग्न आहेत. असाच एक खेळ कळमडू(ता. चाळीसगाव) येथील मुलांच्या जिव्हारी आला आहे. उंची वाढविण्यासाठी येथील मुलांनी चंद्रज्योतच्या बिया खाल्या. यात त्या सहाही मुलांना विषबाधा झाल्याची घटना काल(ता. 14) सायंकाळी चार वाजेच्या सुमारास घडली.

मुलांना कालपासून दिवाळीच्या सुट्या लागल्या आहेत. शेत शिवाराकडे फिरायला  गेलेले शुभम गोपीचंद केदार (वय10), दिनेश अर्जुन केदार (11), गौतम भावराव पाटोळे( 10), राजरत्न सिध्दार्थ केदार (11), शुभम संजय केदार( 15), (एका मुलाचे नाव कळू शकले नाही) हे सर्व कळमडु (ता.चाळीसगाव) येथील रहिवासी आहेत. 

यातील एका मुलाने  चंद्रज्योतच्या बिया उचलून नेल्या. पुढे गेल्यानंतर  या मुलांनी त्याच्या खिशातील बिया काढल्या व या बिया खाल्याने उंची वाढते असे सांगुन या सहाही मुलांनी या बिया खाल्या. थोड्या वेळाने ते घरी आले. त्यांना संडास व उलट्या होऊ लागल्याने घरच्यांनी तात्काळ त्या मुलांना मेहुणबारे येथील ग्रामीण रुग्णालयात दाखल केले. त्यांच्यावर वैद्यकीय अधिकारी डॉक्टर संतोष सांगळे यांनी उपचार केले. मात्र, त्या मुलांची संडास व उलटी थांबत नसल्याने त्यांना पुढील उपचारासाठी धुळे येथे पाठविण्यात आल्याचे डाॅ.सांगळे यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com