लोकसहभागातून साकारलेल्या 'घटबारी'ला प्रांताधिकाऱ्यांची भेट

​निजामपूर-जैताणे (साक्री-धुळे) :​ ​खुडाणे (ता.साक्री) परिसरातील घटबारी धरणाला शनिवारी (ता.9) दुपारी प्रांताधिकारी गणेश मिसाळ यांनी भेट देत पाहणी केली. धरणातील जलसाठा पाहून त्यांनी समाधान व्यक्त केले. खुडाणेचे सरपंच प्रतिनिधी पराग माळी, उपसरपंच नामदेव गवळे आदींसह ग्रामस्थांशी त्यांनी चर्चा केली.​

यावेळी त्यांच्यासह निजामपूर पोलीस ठाण्याचे सहाय्यक निरीक्षक दिलीप खेडकर, प्रा.अजय चांडक, डिजिटल शाळा प्रणालीचे अभियंता हर्षल विभांडीक, मंडळाधिकारी श्री. चित्ते, तलाठी श्री. रोजेकर, संरपच प्रतिनिधी पराग माळी, उपसंरपच नामदेव गवळे, माजी सरपंच धनराज माळी, ग्रामपंचायत सदस्य कन्हैयालाल काळे, महेंद्र हेमाडे, पांडुरंग महाले, मोहन ब्राम्हणे, शाना देवरे, शरद भारत गवळे, दिनेश गवळे, गणेश गवळे, रोजगार सेवक मनोज माळी आदी उपस्थित होते.

​घटबारी धरणातील जलसाठा पाहून श्री. मिसाळ यांनाही मोबाईलमध्ये सेल्फी घेण्याचा मोह आवरता आला नाही. यावेळी बोलताना ते म्हणाले की, "खुडाणे ग्रामस्थांनी लोकसहभागातून साकारलेले हे काम खरोखरच उल्लेखनीय असून राज्यातील या आदर्श कार्याचे आपण नेहमी इतरत्र उदाहरण देत असतो." अशी प्रतिक्रिया त्यांनी दिली.​