जनतेच्या परिक्षेत भाजप 'ढ' ठरली: संजय राऊत

Sanjay Raut
Sanjay Raut

नाशिक - शेतकऱ्यांच्या पाठीशी शिवसेना उभी आहे, याची मुख्यमंत्र्यांना अडचण होतेय का? शेतकऱ्यांचे प्रश्न एकतर तुम्ही सोडवा, अथवा आम्हाला तरी सोडवू द्या. जनतेच्या परिक्षेत तुम्ही ढ ठरला आहात, असा टोला शिवसेना नेते संजय राऊत यांनी शेतकऱ्यांच्या संपावरून भाजपला लगाविला.

शिवसेना नेते संजय राऊत नाशिकमध्ये असून, शेतकरी प्रश्नावर ते उत्तर महाराष्ट्राचा दौरा करणार आहेत. शेतकऱ्यांनी कर्जमाफी व स्वामिनाथन आयोगाच्या शिफारसी लागू करण्यासाठी आंदोलन केले होते. या आंदोलनाला शिवसेनेने पाठिंबा दिला आहे.

संजय राऊत म्हणाले -

  • शिवसेनेने शेतकरी प्रश्नावर पहिल्यांदा आवाज उठवला.
  • शिवसेना संपर्क अभियानाची सुरूवात करत आहे.
  • गावोगाव जाऊन शेतकऱ्यांना भेटणार.
  • भविष्यातल्या मोठ्या उलथापालथीची सुरूवात झाली आहे.
  • ज्यादिवशी उद्धव ठाकरे रस्त्यावर उतरतील तेव्हा भाजपच्या मंत्र्यांना बाहेर पडणे अवघड होईल.
  • मुख्यमंत्र्यांनी कर्जमुक्ती द्यायला हवी.
  • विरोधात असताना मुख्यमंत्री कर्जमाफीबाबत बोलत होते, मग आता त्यांना काय झाले
  • गरजू शेतकरी कोण हे ठरवणारे मुख्यमंत्री कोण?
  • शेतकरी प्रश्नावर सुरू झालेला गोंधळ मिटवण्यासाठी शिवसेना संपर्क यात्रा सुरू करणार
  • केवळ शिवसेना पदाधिकारी म्हणून मिरवण्यात काही अर्थ नाही.
  • शेतकऱ्यांच्या प्रश्नांना न्याय देण्यासाठी रस्त्यावर उतरा.
  • मित्र पक्षाबरोबरच आपली लढाई आहे.
  • शिवसेनेला संपवण्याचा प्रयत्न सुरू आहे, त्याविरोधात लढा उभारायचा आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com