अखेर "त्या' शेतकऱ्याचा मृत्यू

farmer-suicide
farmer-suicide

आनंदवन : वरोरा तालुक्‍यातील पांझुर्णी येथील शेतकऱ्याने सततची नापिकी, कर्जाचा वाढता डोंगर यामुळे कंटाळून विष प्राशन करून आत्महत्येचा प्रयत्न केला होता. हा प्रकार कुटुंबीयांच्या लक्षात येतात तातडीने रुग्णालयात दाखल केल्याने त्याचा जीव वाचला. परंतु, मागील 25 दिवसांपासून मृत्यूशी झुंज देणाऱ्या या शेतकऱ्याची गुरुवारी (ता. 26) अखेर प्राणज्योत मालवली. रमेश बेलखुडे असे मृत शेतकऱ्याचे नाव आहे.

पांझुर्णी येथील तंटामुक्त समितीचे अध्यक्ष रमेश बेलखुडे यांच्याकडे बारा एकर शेती होती. शेतातील उत्पन्नावरच त्यांच्या कुटुंबाचा उदरनिर्वाह सुरू होता. मात्र, मागील काही वर्षांपासून होणारी सततची नापिकी आणि कर्जाच्या वाढत्या ओझ्यामुळे ते सतत चिंतेत होते. 1 जानेवारीला रात्री आठ वाजताच्या सुमारास त्यांनी घरी कीटकनाशक प्राशन करून आत्महत्येचा प्रयत्न केला. 25 दिवसांपासून त्यांच्यावर उपचार सुरू होते. अखेर 26 जानेवारीला त्यांचा मृत्यू झाला. बेलखुडे यांच्यावर सेवा सहकारी संस्था, बॅंक ऑफ इंडिया शाखा माढेळीचे चार लाखांचे कर्ज असल्याचे समजते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com