लोहखनिज वाहतूक करणाऱ्या ट्रकला अपघात; दोन जखमी

accident
accident

एटापल्ली : तालुक्यातील सुरजागड पहाड़ीवरील लोह खनिज उत्खनन करुण लॉयल्डस मेटल कंपनीच्या चंद्रपुर जिल्ह्यातील घुग्गुस येथील उद्योगाला खनिज पुरवठा करणाऱ्या ट्रकला येलचिल पहाड़ीवर झालेल्या अपघातात चालक व वाहक गंभीर जखमी झाले आहेत.

वादग्रस्त सुरजागड़ पहाडीवरील लोहखनिज उत्खनन व वाहतुक करण्यास नक्षल संघटनेसह स्थानिक विविध राजकीय पक्ष, सामाजिक संघटना व ग्रामसभांचा प्रखर विरोध आहे. गेली दोन वर्षात पक्ष संघटनांची आंदोलने व डिसेंबर 2016 मध्ये नक्षल्यांकडून दिवसाढवळया 81 वाहनांची जाळपोळ झाल्यानंतर केंद्रीय राखीव पोलिस दल व जिल्हा पोलिस विभागाचे सुरजागड़ पहाडी परिसरातील हेडरी या गावी उपविभागीय पोलिस अधिकारी कार्यालय उघडून ऑक्टोंबर 2017 पासून हजारो पोलिसांच्या सुरक्षेत लोहखनिजाची वाहतूक केली जात आहे. मात्र यावरील चालक व वाहक मद्यधुंद अवस्थेत वाहने चालवित असल्याची ओरड नागरिकांकडून केली जात आहे. त्यामुळे असे अपघात होत असल्याचे बोलल्या जात आहे. 

सोमवारला दुपारी 3 वाजता दरम्यान चंद्रपुरला जाणाऱ्या ट्रकला अपघात झाला. यात जखमी चालक व वाहकाला पोलिसांच्या मदतीने अहेरी तेथील उपजिल्हा रूगणालयात उपचारासाठी दाखल करण्यात आले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com