पुलाखाली आढळला भूसुरुंग

पुलाखाली आढळला भूसुरुंग

माओवाद्यांचा घातपाताचा डाव फसला
अहेरी (जि. गडचिरोली) - पोलिस पथकासोबत घातपात घडून आणण्याच्या उद्देशाने माओवाद्यांनी पुलाखाली पुरवून ठेवलेली तीन किलो आयईडी स्फोटके सापडली. यामुळे मोठी दुर्घटना टळली. आलापल्ली-सिरोंचा मार्गावरील मोसम गावालगत आज सकाळी ही घटना उघडकीस आली.

अहेरीचे उपविभागीय पोलिस अधिकारी गजानन टोंपे व सीआरपीएफच्या 9 बटालियनच्या वरिष्ठ अधिकाऱ्यांना गुप्त माहिती मिळाली, की जिमेला व मोसम गावालगत मुख्य मार्गावरील एका पुलाखाली माओवाद्यांनी भूसुरुंग पेरलेला आहे. त्याआधारे पोलिस घटनास्थळी पोचले. स्फोटकांचा शोध घेतला असता पुलाखाली 3 किलोचा भूसुरुंग आढळून आला. त्यानुसार पोलिस व सीआरपीएफ पथकाने त्याला बाहेर काढून घटनास्थळावरच निष्क्रिय केले. त्यामुळे मोठी दुर्घटना टळली. माओवाद्यांविरोधात राजाराम खांदला उपपोलिस ठाण्यात गुन्हा दाखल केला असून पोलिसांनी माओवाद्यांच्या विरोधात अभियान तीव्र केले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com