एमडीच्या जागा वाढवण्यासाठी "टास्क फोर्स' 

केवल जीवनतारे - सकाळ वृत्तसेवा 
सोमवार, 7 नोव्हेंबर 2016

नागपूर - वैद्यकीय शिक्षणाचा दर्जा सुधारण्यासोबतच बदलत्या काळात जागतिक स्पर्धेत तग धरून संशोधनाला चालना मिळावी, या हेतूने राज्यातील शासकीय वैद्यकीय महाविद्यालय व रुग्णालयातील अभ्यासक्रमांसह पदव्युत्तर विद्यार्थ्यांची (एमडी) संख्या वाढविण्यासाठी "टास्क फोर्स' निर्माण करण्यात येणार आहे. 

नागपूर - वैद्यकीय शिक्षणाचा दर्जा सुधारण्यासोबतच बदलत्या काळात जागतिक स्पर्धेत तग धरून संशोधनाला चालना मिळावी, या हेतूने राज्यातील शासकीय वैद्यकीय महाविद्यालय व रुग्णालयातील अभ्यासक्रमांसह पदव्युत्तर विद्यार्थ्यांची (एमडी) संख्या वाढविण्यासाठी "टास्क फोर्स' निर्माण करण्यात येणार आहे. 

पदव्युत्तर अभ्यासक्रमातील विद्यार्थ्यांची संख्या वाढवण्यासाठी तयार होणाऱ्या टास्क फोर्समध्ये प्री-क्‍लिनिकल आणि परा-क्‍लिनिकल विभागातील एक तसेच क्‍लिनिकल विभागाशी संबंधित सहयोगी प्राध्यापकाचा समावेश राहील. अधिष्ठात्यांच्या पुढाकाराने तयार झालेले "टास्क फोर्स' संबंधित वैद्यकीय महाविद्यालय व रुग्णालयातील मनुष्यबळ, मूलभूत सुविधा व उपकरणे तसेच प्रत्येक विभागातील "इन्फ्रास्ट्रक्‍चर'चा अभ्यास करून अहवाल तयार करतील. या अहवालानुसार किती पदव्युत्तर विद्यार्थ्यांची संख्या वाढेल याचा अंदाज टास्क फोर्स घेईल. अंतिम अहवाल वैद्यकीय शिक्षण व संशोधन विभागाकडे सादर करणात येईल. बदलत्या काळाची पावले ओळखून वैद्यकशास्त्रातील अभ्यासक्रमात विविध विषय घटकांच्या सहयोगातून "बायो-मेडिकल'च्या क्षेत्रात मोठ्या संधी आहेत. वैद्यकीय साधनसामग्री (मेडिकल डिवायसेस) रोगनिदानाकरिता लागणाऱ्या साधनांचे (डायग्नोस्टिक डिवायसेस) क्षेत्र मोठे आहे. व्हेंटिलेटर, सीटी स्कॅन, एमआरआय, हृदयरोगाच्या निदानासाठीची आवश्‍यक वैद्यकीय उपकरणे "बायो-मेडिकल' शाखेमुळे जन्माला आली. याशिवाय "मेडिकल ट्रान्सक्रिप्शन' हा वैद्यकीय क्षेत्रातील रोजगाराचा नवा अभ्यासक्रम ठरू शकतो. अशाप्रकारे वैद्यकीय अभ्यासक्रमांत नवीन विषयांची संख्या वाढवण्यासंदर्भातील वैद्यकीय सहसंचालक यांच्या स्वाक्षरीद्वारे 4 नोव्हेंबर 2016 रोजी काढण्यात आलेले परिपत्रक वैद्यकीय शिक्षण व संशोधन विभागाने राज्यातील 16 शासकीय वैद्यकीय महाविद्यालयांना पाठवले. सात दिवसांत संबंधित वैद्यकीय महाविद्यालयांच्या अधिष्ठातांकडून अहवाल मागवला आहे. 

उद्या मुंबईत बैठक 
वैद्यकशास्त्राच्या पदव्युत्तर अभ्यासक्रमातील विद्यार्थ्यांची संख्या वाढवण्यासंदर्भातील बैठक 8 नोव्हेंबरला सकाळी 11 वाजता वैद्यकीय संचालनालय येथे आयोजित केली आहे. टास्क फोर्स सदस्यांमधील एका प्रतिनिधीला बैठकीला उपस्थित राहणे बंधनकारक असल्याची माहिती या पत्रात नमूद आहे.

विदर्भ

दुपारी पावणेदोनपर्यंत प्रतिष्ठापनेचा मुहूर्त शेगाव (बुलढाणा): यावर्षी श्री गणेशोत्सव 12 दिवसांचा राहणार आहे. त्यामूळे...

बुधवार, 23 ऑगस्ट 2017

धंतोली झोनने हटविली दुकाने - मांस, चिकन जप्त नागपूर - पोळ्याच्या पाडव्याची संधी साधत अनेकांनी आज रस्त्यांच्या बाजूलाच...

बुधवार, 23 ऑगस्ट 2017

चौकातील हौदांवर नागरिक संतप्त - ‘सोशल मीडिया’वर काढले महानगरपालिकेचे वाभाडे नागपूर - फक्त सिमेंट रोड केले जात आहेत. सदोष...

बुधवार, 23 ऑगस्ट 2017