शिवसेनेने शेतकऱ्यांसाठी विदर्भात वाजवला ‘ढोल’

सकाळ वृत्तसेवा
मंगळवार, 11 जुलै 2017

नागपूर - कर्जमाफीनंतर दररोज निर्णय बदलला जात असल्याने गोंधळाची स्थिती निर्माण झाली आहे. कर्जमाफीला पात्र लाभार्थी शेतकऱ्यांची यादी जिल्हा बॅंकांनी ठळकपणे जाहीर करावी, या मागणीसाठी शिवसैनिकांनी सोमवारी (ता. १०) नागपूरसह विदर्भातील जिल्हा मध्यवर्ती  सहकारी बॅंकेसमोर ‘ढोल वाजवा’ आंदोलन केले. या वेळी शिवसैनिकांनी ढोल वाजवून संपूर्ण कर्जमुक्तीची मागणी केली. यासंदर्भातील निवेदनही बॅंक व्यवस्थापकांना देण्यात आले.

नागपूर - कर्जमाफीनंतर दररोज निर्णय बदलला जात असल्याने गोंधळाची स्थिती निर्माण झाली आहे. कर्जमाफीला पात्र लाभार्थी शेतकऱ्यांची यादी जिल्हा बॅंकांनी ठळकपणे जाहीर करावी, या मागणीसाठी शिवसैनिकांनी सोमवारी (ता. १०) नागपूरसह विदर्भातील जिल्हा मध्यवर्ती  सहकारी बॅंकेसमोर ‘ढोल वाजवा’ आंदोलन केले. या वेळी शिवसैनिकांनी ढोल वाजवून संपूर्ण कर्जमुक्तीची मागणी केली. यासंदर्भातील निवेदनही बॅंक व्यवस्थापकांना देण्यात आले.

 राज्य शासनाच्या बदलणाऱ्या निर्णयाविरोधात शिवसेनेने सोमवारी नागपूर जिल्हा मध्यवर्ती बॅंकेसमोर ढोल वाजविले. शेतकऱ्यांच्या मानगुटीवर बसणाऱ्या व जबरदस्तीने कर्जवसुली करणाऱ्या जिल्हा बॅंकेसमोर कर्जमाफी झालेल्या शेतकऱ्यांची यादी जाहीर करा, या मागणीसाठी शिवसेनेने राज्य सरकारच्या विरोधात नागपूर जिल्हा मध्यवर्ती बॅंकेसमोर रामटेकचे शिवसेनेचे खासदार कृपाल तुमाने, जिल्हाप्रमुख सतीश हरडे, जिल्हाप्रमुख संदीप इटकेलवार, जिल्हाप्रमुख राजू हरणे यांच्या नेतृत्वात ढोल बजाओ आंदोलन करण्यात आले.

अमरावती जिल्हा मध्यवर्ती बॅंकेसमोर शिवसैनिकांनी ‘ढोल वाजवा’ आंदोलन केले. जिल्हा  बॅंकेचे मुख्य कार्यकारी अधिकारी जे. सी. राठोड यांना शिवसैनिकांनी निवेदन दिले. शिवसेनेचे महानगरप्रमुख सुनील खराटे यांच्या नेतृत्वात झालेल्या या आंदोलनात शेकडो शिवसैनिक  उपस्थित होते.  यवतमाळ येथील आझाद मैदानातून ‘ढोल बजाओ’ आंदोलनाला सोमवारी (ता. १०) सुरुवात झाली. राज्य शासनाने थकबाकीदार शेतकऱ्यांना कर्जमाफी जाहीर करून पेरणीसाठी दहा हजार रुपयांचे अनुदान देण्याची घोषणा केली होती. मात्र, अद्याप अपवाद सोडल्यास शेतकऱ्यांना अनुदान मिळाले नाही. शेतकऱ्यांना तत्काळ कर्जवाटप करावे, अशा मागण्याचे निवेदन शिवसेनेतर्फे देण्यात आले. या वेळी शिवसेना जिल्हाप्रमुख विश्‍वास नांदेकर, संतोष ढवळे, शहरप्रमुख पराग पिंगळे उपस्थित होते. वर्धा येथील छत्रपती शिवाजी महाराज पुतळा चौकातून निघालेला मोर्चा जिल्हा अग्रणी बॅंकेवर धडकला. शिवसेनेचे जिल्हा संपर्कप्रमुख तथा उपनेते अशोक शिंदे यांच्या नेतृत्वात जिल्हा  अग्रणी बॅंकेचे व्यवस्थापक वामन कोहाड यांना निवेदन देण्यात आले. 

भंडारा येथील जिल्हा मध्यवर्ती बॅंकेसमोर शिवसेनेचे जिल्हाप्रमुख राजेंद्र पटले आणि माजी आमदार नरेंद्र भोंडेकर यांच्या नेतृत्वात आंदोलन करण्यात आले. बॅंक अधिकाऱ्यांनी दिलेल्या माहितीनुसार जिल्ह्यातील एकही शेतकऱ्याला कर्जमाफी मिळाली नसल्याचा आरोप जिल्हाप्रमुख श्री. पटले यांनी केला.गोंदिया जिल्हा मध्यवर्ती सहकारी बॅंकेने कर्जमाफी झालेल्या लाभार्थी शेतकऱ्यांची यादी जाहीर करण्यात यावी अशा आशयाचे निवेदन शिवसेना शाखा गोंदियातर्फे बॅंक व्यवस्थापकांना देण्यात आले. वेळेवर कर्जाची परतफेड करणाऱ्या शेतकऱ्यांना अनुदान योजनेचा लाभ देण्याची मागणी शिवसेनेने केली.

विदर्भ

नागपूर - केंद्र सरकारने तूर, उडीद आणि मूग डाळींवरील निर्यातबंदी उठवल्यानंतर दुसऱ्याच दिवशी या डाळीसह कडधान्यांच्या भावात दोनशे ते...

मंगळवार, 19 सप्टेंबर 2017

नागपूर - वाढत्या तापमानामुळे स्वाइन फ्लूचा प्रादुर्भाव कमी होईल, असे चित्र होते.  परंतु, बदलत्या वातावरणातही स्वाइन फ्लूचा...

मंगळवार, 19 सप्टेंबर 2017

नागपूर - मेडिकलशी संलग्न सुपर स्पेशालिटी हॉस्पिटलची पदव्युत्तर शैक्षणिक व संशोधन संस्थेच्या दिशेने वाटचाल सुरू झाली असून,...

मंगळवार, 19 सप्टेंबर 2017