आधुनिकीकरणास कारणीभूत ठरले उंदीर

Mouse
Mouse

नागपूर - नुकतेच राज्य शासनात उंदीर घोटाळा झाला. सात दिवसांत ३ लाख १९ हजार उंदीर मारल्याच्या चर्चेने राज्य गाजले. मात्र, नागपुरातील इंदिरा गांधी वैद्यकीय महाविद्यालयात (मेयो) उंदरांनी शवविच्छेदनगृहात मृतदेहाचे डोळे, नाक आणि कान कुरतडल्याची घटना राज्यभरातील शवविच्छेदनगृहांच्या आधुनिकीकरणास कारणीभूत ठरली. चक्क ५३ कोटी ३५ लाख रुपये खर्च करून राज्यभरातील मेडिकल कॉलेजमधील शवविच्छेदनगृहे अद्ययावत करण्यात येणार आहेत.    

मेयो रुग्णालयात उंदीरमामांनी दोन मृतदेह कुरतडल्याचे प्रकरण ‘सकाळ’ने प्रकाशित केले होते. मृतदेहाची विटंबना होत असल्याच्या कारणामुळे नागपूरच्या सहयोग ट्रस्टतर्फे न्यायालयात जनहित याचिका दाखल करण्यात आली. मृत्यूनंतर मृतदेहांचा सन्मान व्हावा, ही माफक अपेक्षा व्यक्त करीत न्यायालयाने देशभरातील अद्ययावत शवविच्छेदनगृहांची पाहणी करीत राज्यातील शवविच्छेदनगृह अत्याधुनिक करण्याचे निर्देश दिले. 

न्यायालयाच्या निर्देशानुसार तीन जणांची समिती तयार केली. समितीत न्यायवैद्यकशास्त्रतज्ज्ञ डॉ. प्रदीप दीक्षित, न्यायवैद्यकतज्ज्ञ डॉ. मनीष श्रीगिरीवार, मुंबईच्या नायर हॉस्पिटलचे डॉ. शैलेश मोहिते यांचा समावेश होता. देशभरात समितीने दौरा केला. गोव्यातील बांबोलिम मेडिकल कॉलेजमध्ये शवविच्छेदनगृह योग्य असल्याचा अहवाल समितीने न्यायालयासमोर सादर केला. न्यायालयाने राज्यभरातील सार्वजनिक आरोग्य विभाग आणि शासकीय वैद्यकीय महाविद्यालयातील शवविच्छेदनगृहे अद्ययावत करण्याचा निर्णय देत सहयोग ट्रस्टची याचिका निकाली काढली. ॲड. स्मिता सरोदे-सिंगलकर आणि रवींद्र भुसारी यांनी दाखल केलेल्या जनहित याचिकेची ही फलश्रुती ठरली. 

मेयोला ५ कोटी ९३ लाख   
-मेयो : ५ कोटी ९३ लाख 
-मेडिकल : २ कोटी ४३ लाख 
-धुळे मेडिकल कॉलेज : ८ कोटी ५४ लाख 
-अकोला मेडिकल कॉलेज : ६ कोटी ९१ लाख
-अंबेजोगई : ६ कोटी ४४ लाख 
-औरंगाबाद मेडिकल कॉलेज (घाटी) : ४ कोटी ९९ लाख 
-सोलापूर मेडिकल कॉलेज : ४ कोटी ९५ लाख 
-यवतमाळ मेडिकल कॉलेज : २ कोटी ६१ लाख
-कोल्हापूर मेडिकल कॉलेज : ९३ लाख ६१ हजार 
-गोंदिया मेडिकल कॉलेज : ७३ लाख ५० हजार 
-लातूर मेडिकल कॉलेज : १७ लाख १८ हजार 
-मुंबई जेजे कॉलेज : २५ लाख १६ हजार  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com