गजानन महाराजांची पालखी पंढरपूरकडे रवाना

Gajanan-Maharaj-Palkhiशेगाव (जि. बुलडाणा) - संत गजानन महाराजांची पालखी मंगळवारी सकाळी पंढरपूरकडे मार्गस्थ झाली. या वेळी पालखीला निरोप देण्यासाठी मंदिर परिसरात जमलेले भाविक.
Gajanan-Maharaj-Palkhiशेगाव (जि. बुलडाणा) - संत गजानन महाराजांची पालखी मंगळवारी सकाळी पंढरपूरकडे मार्गस्थ झाली. या वेळी पालखीला निरोप देण्यासाठी मंदिर परिसरात जमलेले भाविक.

शेगाव (जि. बुलडाणा) - श्री संत गजानन महाराजांची पालखी मंगळवारी सकाळी सात वाजता टाळकरी, पताकाधारी, अश्व, गजासह पंढरपूरकडे मार्गस्थ झाली. या पालखीत गजानन महाराजांचा चांदीचा मुखवटा आहे. राजवैभवी थाटात विठ्ठलाच्या दर्शनासाठी आषाढी एकादशीच्या नयनरम्य सोहळ्यात टाळकरी, पताकाधारी सहभागी झाले आहेत. 600 वारकऱ्यांचा पालखीत सहभाग आहे.

शेगावच्या संत गजानन महाराज संस्थानाचा यंदा 51 वा पालखी सोहळा आहे. व्यवस्थापकीय संचालक कर्मयोगी शिवशंकरभाऊ पाटील यांच्या हस्ते गजानन महाराजांचा मुखवटा फुलांनी सजविलेल्या पालखीत स्थापन करण्यात आला. या वेळी "गण गणात बोते'च्या गजरात भाविकांनी जयघोष केला. वारकऱ्यांच्या सेवेसाठी संस्थानचे सेवेकरीसुद्धा पालखीसोबत आहेत. आरोग्य सुविधेसाठी डॉक्‍टर आणि औषधोपचाराने सज्ज रुग्णवाहिका तैनात आहे.

हजारो भाविकांनी दिला निरोप
गजानन महाराजांच्या पालखीला निरोप देण्यासाठी हजारो भाविक शेगावच्या सीमेपर्यंत पालखीलासोबत चालत गेले. एक महिन्यानंतर 18 जुलै रोजी पालखी पंढरपूरला पोहोचणार आहे. या ठिकाणी 25 जुलैपर्यंत पालखीचा मुक्काम राहणार असून, त्यानंतर पुन्हा 7 ऑगस्ट रोजी शेगावसाठी परतीचा प्रवास सुरू होईल.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com