छाननी लिपिक 70 हजारांची लाच घेताना ताब्यात

The scrutiny clerk is in possession of a Seventy thousands bribe
The scrutiny clerk is in possession of a Seventy thousands bribe

लोहारा - शेतजमीन मोजणीच्या नकाशावर हद्द कायम करून नकाशाची नक्कल देण्यासाठी 70 हजार रुपयांची लाच स्वीकारल्यानंतर लोहारा (जि. उस्मानाबाद) येथील उपअधीक्षक भूमी अभिलेख कार्यालयातील छाननी लिपिकाला लाचलुचपत प्रतिबंधक विभागाच्या अधिकाऱ्यांनी गुरुवारी (ता. 19) पकडले. 

पोलिसांनी सांगितले की, तक्रारदाराने सास्तूर (ता. लोहारा) येथे शेतजमीन खरेदी केली. खरेदीवेळी मूळ मालकाने शेत जमिनीच्या मोजणीवरून हद्द कायम करून कब्जा देण्याचे ठरले होते. त्याप्रमाणे मोजणी शुल्क भरून जमिनीची मोजणी करण्यात आली. मोजणीच्या नकाशावर हद्द कायम करून नकाशाची नक्कल देण्यासाठी उपअधीक्षक भूमी अभिलेख कार्यालयातील छाननी लिपिक काशिफ तारेख अहेमद सय्यद याने तक्रारदाराकडे एक लाख रुपये लाचेची मागणी केली. या प्रकरणी तक्रारदाराने लाचलुचपत प्रतिबंधक विभागाच्या उस्मानाबाद कार्यालयात तक्रार दाखल केली. त्यानंतर पोलिस उपअधीक्षक बी. व्ही. गावडे, पोलिस निरीक्षक बी. जी. आघाव, व्ही. आर. बहिर यांनी बुधवारी (ता. 18) या तक्रारीची शहानिशा केली. गुरुवारी दुपारी साडेबाराच्या सुमारास लोहारा येथील एका बिअरबारमध्ये तक्रारदाराकडून तडजोडीअंती 70 हजार रुपयांची लाच स्वीकारल्यानंतर काशिफ सय्यद याला लाचलुचपत प्रतिबंधक विभागाच्या पथकाने पकडले.

आपण एका क्लिकवर ताजे अपडेट्स आपल्या मोबाईलमध्येही मिळवू शकता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com