सेना-राष्ट्रवादीचे नगरसेवक कॉंग्रेसच्या वाटेवर

सकाळ वृत्तसेवा
गुरुवार, 22 डिसेंबर 2016

सिटिझन जर्नालिस्ट बनू या
'ई सकाळ'च्या नव्या रचनेत वाचकांच्या मतांना, विचारांना सर्वोच्च प्राधान्य आहे. 
आपण ई सकाळमध्ये सहभागी होऊ शकताः

  • 'सकाळ संवाद'द्वारेः अॅन्ड्रॉईड अॅप डाऊनलोड करा आणि पाठवा बातम्या, लेख, फोटो, व्हिडिओ आणि ऑडिओ. 
  • ई मेलद्वारेः आपले सविस्तर मत ई मेल करा webeditor@esakal.com आणि Subject मध्ये लिहाः CitizenJournalist
  • प्रतिक्रियांद्वारेः व्यक्त व्हा बातम्यांवर, प्रतिक्रियांवर

नागपूर - शिवसेना आणि राष्ट्रवादी कॉंग्रेसमधील अंतर्गत गटबाजीला कंटाळून काही विद्यमान नगरसेवक आणि पदाधिकारी कॉंग्रेसच्या वाटेवर असल्याची विश्‍वसनीय माहिती प्राप्त झाली आहे. महापालिकेची निवडणूक तोंडावर येऊन ठेपली असताना पक्षनेतृत्वाकडून कुठलीच ठोस उपाययोजना केली जात नाही आणि निवडणुकीसाठी कुठलेच पाठबळ मिळत नसल्याने सर्व अस्वस्थ आहेत.

शहरात शिवसेना आणि राष्ट्रवादीचे मोजके नगरसेवक आहेत. मोठी व्होटबॅंकसुद्धा नाहीत. चार वॉर्डांचा प्रभाग करण्यात आल्याने निवडणूक जिंकण्यासाठी मोठी ताकद लागणार आहे. ती दोन्ही पक्षांकडे नाही. स्वबळावर लढल्यास एका प्रभागात चार तगडे उमेदवार सापडणे अवघड आहे. अशा परिस्थितीत निवडणूक जिंकणार कशी याची चिंता अनेकांना भेडसावत आहे. यातही अंतर्गत गटबाजी आणि भांडणे अजूनही संपलेली नाही. शिवसेनेत दोन वर्षांपूर्वीच उभी फूट पडली आहे. माजी जिल्हाध्यक्ष शेखर सावरबांधे यांच्या समर्थकांना निलंबित करण्यात आले होते. अलीकडेच त्यांना पक्षात परत घेण्यात आले. त्यांना उमेदवारी मिळण्याची खात्री असली तरी विजयाची नाही. माजी नगरसेवक प्रवीण सांदेकर आधीच कॉंग्रेसमध्ये सामील झाले आहेत. प्रवीण गवरे यांनीही प्रवेश केला आहे. त्यांच्या पावलावर पाऊल टाकीत काही नगरसेवक लवकरच कॉंग्रेसमध्ये सहभागी होणार आहे. राष्ट्रवादी कॉंग्रेसमध्येही अशीच परिस्थिती आहे. देशमुख आणि पाटील वाद क्षमलेला नाही. काही नगरसेवक, पदाधिकारी व कार्यकर्ते फक्त नावापुरते पक्षात आहेत. ते चांगल्या संधीच्या शोधात आहे. भाजपात उमेदवारी मिळणे शक्‍य नाही. त्यापेक्षा समविचारी कॉंग्रेसला त्यांच्या पहिली पसंती आहे. दोन्ही पक्षातील अंतर्गत खदखद निवडणुकीच्या आचारसंहितेपूर्वी बाहेर येण्याची शक्‍यता आहे. सध्याच्या परिस्थिती, प्रभागपद्धती लक्षात घेता कॉंग्रेस आणि भाजप या दोनच पक्षांत मुख्य लढत होणार आहे. नगरसेवक किशोर डोरले, किशोर गजभिये, माजी नगसेवक मनोज सांगोळे, ऋषी कारोंडे, प्रवीण सांदेकर यांनी आधीच कॉंग्रेसमध्ये प्रवेश केला आहे.

विदर्भ

नागपूर -  सरासरीपेक्षा अधिक तीन तास विक्रमी पाऊस झाल्याने जिल्ह्यातील अनेक वस्त्या जलमय झाल्या. नदी-नाले दुथडी भरून वाहत...

11.03 AM

वर्धा - कारंजा तालुक्यातील सेलगाव येथील राहत्या घरी कपाटला अचानक विजेचा प्रवाह उतरल्याने त्याच्या झटका बसून आईसह चिमुकलीचा...

10.51 AM

अकोला : सन २०१२ नंतर देशामध्ये सर्वच राज्यात जुलै २०१७ मध्ये पंचवार्षीक पशुगणना होणे अपेक्षीत होते. मात्र, केंद्राचे अनुदान आणि...

09.03 AM