दूध भुकटी निर्यातीसाठी प्रति किलो 50 रुपये अनुदान देणार : महादेव जानकर

ज्ञानेश्‍वर बिजले 
मंगळवार, 10 जुलै 2018

नागपूर : दूध भुकटी उत्पादकांनी दूध भुकटीची निर्यात केल्यास त्या भुकटीसाठी प्रति किलो 50 रुपये, तसेच दुधाची निर्यात करणाऱया दूध प्रकल्पांना निर्यात केलेल्या दुधासाठी प्रति लीटर पाच रुपये एवढे प्रोत्साहन अनुदान पुढील दोन महिन्यांकरीता देण्यात येईल, असे दुग्धव्यवसाय विकास मंत्री महादेव जानकर यांनी मंगळवारी विधानसभेत जाहीर केले.

नागपूर : दूध भुकटी उत्पादकांनी दूध भुकटीची निर्यात केल्यास त्या भुकटीसाठी प्रति किलो 50 रुपये, तसेच दुधाची निर्यात करणाऱया दूध प्रकल्पांना निर्यात केलेल्या दुधासाठी प्रति लीटर पाच रुपये एवढे प्रोत्साहन अनुदान पुढील दोन महिन्यांकरीता देण्यात येईल, असे दुग्धव्यवसाय विकास मंत्री महादेव जानकर यांनी मंगळवारी विधानसभेत जाहीर केले.

दूध प्रश्‍नांवरून विधानसभेत काल लक्षवेधी सूचना राखून ठेवण्यात आली होती. 
शालेय शिक्षण विभाग, महिला व बालकल्याण विभाग, आदिवासी विकास विभाग आणि सामाजिक न्याय विभाग यांच्यामार्फत राबविण्यात येणाऱया विविध पोषण आहार योजनांमध्ये दूध व दूध भुकटीचा समावेश करण्याबाबत धोरणात्मक निर्णय घेण्यात आला आहे. दूधाच्या उपपदार्थांना अधिक मागणी येण्याच्या दृष्टीने तूप, लोणी या वरील जीएसटी कमी करण्यात यावी, अशी शिफारस केंद्र शासनाला करण्यात येईल, असे जानकर यांनी सांगितले. 

शेतकऱयांना दुधासाठी लिटरमागे 17 ते 21 रुपये मिळत असल्याची तक्रार काल आमदारांनी केली होती. त्यावेळी मुख्यमंत्र्यांच्या उपस्थितीत बैठक घेण्याचे काल विधानसभेत जाहीर करण्यात आले होते. विधानसभेचे अध्यक्ष हरीभाऊ बागडे यांच्या अध्यक्षतेखाली झालेल्या बैठकीला मुख्यमंत्री देवेंद्र फडणवीस, विरोधी पक्षनेते राधाकृष्ण विखे पाटील, अजित पवार, महसूलमंत्री चंद्रकांत पाटील यांच्यासह अनेक आमदार उपस्थित होते. त्या बैठकीत चर्चा झाल्यानंतर हे निर्णय घेण्यात आल्याचे जानकर यांंनी सांगितले. 
 

Web Title: subsidy will give 50 rupees per kilo for export of milk pawder said Mahadev Jankar