दुबईसह अन्य देशांमधून कांदा आयातीवर उपलब्धतेची भिस्त 

सकाळ वृत्तसेवा
शुक्रवार, 8 नोव्हेंबर 2019

नवी दिल्ली ः ग्राहक व्यवहार, अन्न आणि सार्वजनिक पुरवठा मंत्रालयाच्या सचिवांनी केंद्रीय सचिवांना कांद्याचे दर आणि उपलब्धतेबाबत अवगत केले आहे. तसेच देशातंर्गत कांद्याचा पुरवठा वाढवण्यासाठी दुबई आणि अन्य देशांमधून कांदा आयात करण्याची विनंतू एन. एम. टी. सी. ला करण्यात आली आहे. 

नवी दिल्ली ः ग्राहक व्यवहार, अन्न आणि सार्वजनिक पुरवठा मंत्रालयाच्या सचिवांनी केंद्रीय सचिवांना कांद्याचे दर आणि उपलब्धतेबाबत अवगत केले आहे. तसेच देशातंर्गत कांद्याचा पुरवठा वाढवण्यासाठी दुबई आणि अन्य देशांमधून कांदा आयात करण्याची विनंतू एन. एम. टी. सी. ला करण्यात आली आहे. 
दिल्ली आणि राजस्थान सरकार व बाजार समित्यांना उद्यापासून 12 नोव्हेंबरपर्यंत बाजार खुला ठेवण्याची सूचना करण्यात आली आहे. ग्राहक व्यवहार विभाग देशातल्या कांद्यांचे दर आणि उपलब्धतेवर लक्ष ठेऊन आहे. विभागाच्या सचिवांनी उच्चस्तरीय बैठकीत कांद्याच्या सद्यस्थितीबाबत तसेच यासंबंधी करण्यात आलेल्या उपाययोजनांबाबत माहिती दिली. काद्यांची उपलब्धता वाढविणे आणि किंमती नियंत्रणात आणण्यासाठी निर्णय घेतले आहे. त्यानुसार एन. एम. टी. सी., नाफेड आणि कृषी आणि ग्राहक विभागाच्या अधिकाऱ्यांचे पथकाला कांदा आयातीसाठी तुर्की आणि इजिप्तचा दौरा करण्याचे निर्देश देण्यात आले आहेत. 

दिल्लीत साडेतीन हजार अन्‌ मुंबईत पाच हजाराचा भाव 
(क्विंटलला सरासरी रुपयांमध्ये) 
कांद्याने मुंबईत क्विंटलला तीनशे रुपयांनी उसळली घेतली असून आज पाच हजार क्विंटल असा भाव राहिला. दिल्लीत घाऊक बाजारपेठेत साडेतीन हजार रुपयांवरुन अधिक भावाने कांदा विकला गेलायं. जयपूरमध्ये 3 हजार 600 रुपये क्विंटल असा भाव निघाला. 
बाजारपेठ           आज                      काल (ता. 7) 
लखनऊ           4 हजार 400            4 हजार 250 
आग्रा             4 हजार 250             3 हजार 250 
इंदूर               3 हजार 800            3 हजार 500 
मनमाड          4 हजार 200            3 हजार 250 
सटाणा           4 हजार 650            4 हजार 625 
सूरत             4 हजार 125             4 हजार 250 
येवला            4 हजार 788            4 हजार 100 
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Delhi-Onion-Demand