कावळे ‘बर्ड फ्लू’ बाधित

नगर - श्रीगोंदा तालक्यातील भानगाव शिवारात मृत कावळ्यांचा अहवाल ‘बर्ड फ्लू’ बाधित आला आहे. शनिवारी (ता. १६) निबंळक (ता. नगर) येथे ६६ कोंबड्यांचा अचानक मृत्यू झाला आहे. त्याचे सात नमुने पशुसंवर्धन विभागाने तपासणीसाठी पाठवले आहेत. त्यामुळे नगर जिल्ह्यात ‘बर्ड फ्लू’चा धोका वाढत असल्याचे स्पष्ट   झाले आहे. 

भानगाव शिवारातील नऊ गावांत दहा किलोमीटर परिसरात कुक्कुटपक्षी खरेदी -विक्रीवर बंदी आणण्याचे जिल्हाधिकाऱ्यांनी आदेश काढले आहेत. नगर जिल्ह्यात यामुळे कुक्कुटपालन करणारे शेतकरी अडचणीत आले आहेत. आतापर्यंत नगर जिल्ह्यातील नगर, पाथर्डी तालुक्यांत २५४ कोंबड्यांचा मृत्यू झाला आहे. आतापर्यंत नऊ नमुने तपासणीसाठी पाठवले आहेत. 

हेही वाचा - Pune Gram Panchyat Election Result Live Updates गावचा कारभारी कोण? दुपारपर्यंत चित्र होणार स्पष्ट

जिल्ह्यात शेतीला पूरक व्यवसाय म्हणून कुक्कुटपालनाला प्राधान्य दिले जात आहे. नगर जिल्ह्यात ३ हजार ३४१ शेतकरी ब्रॉयलर कोंबड्याचे उत्पादन घेतात. जिल्ह्यात सध्या एक कोटी १४ लाख कोंबड्या मांसासाठी, तर ७६ हजार कोंबड्या अंडी उत्पादनासाठी आहेत. याशिवाय दहा हजारांपेक्षा अधिक शेतकरी परसातील देशी कोंबड्याचे पालन करतात. राज्यात ‘बर्ड फ्लू’चा धोका वाढला असल्याने पशुसंवर्धन विभाग दक्ष झाला. 

पुणेकरांनो, चार दिवसांत किमान तापमान घटणार; स्वेटर, कानटोप्या ठेवा सज्ज

मिंडसांगवी (ता. पाथर्डी) येथे पाच शेतकऱ्यांकडे परसात पालन केल्या जात असलेल्या ५० देशी कोंबड्याचा अचानक मृत्यू झाला होता. मात्र या कोंबड्यांचा मृत्यू ‘बर्ड फ्लू’ने झाला नसल्याचे स्पष्ट झाले. दरम्यान, दोन दिवसांपूर्वी भानगाव (ता. श्रींगोंदा) येथे एका कावळ्याचा मृत्यू ‘बर्ड फ्लू’ने झाला असल्याचे स्पष्ट झाले आहे. त्यामुळे भानगाव, सुरोडी, टाकळी लोणार, ढोरजे, देऊळगाव गलांडे, पिसोरे खांड, वडाळी, कोथुळ या नऊ गावांच्या शिवारातील दहा किलोमीटर कुक्कुट पक्ष्यांच्या खरेदी विक्रीला बंदी करण्याबाबत आदेश दिले आहेत. दरम्यान, निबंळक (ता. नगर) येथेही निंबळकमध्ये दोन दिवसांत निंबळक (ता. नगर) येथील ६६ कोंबड्या मृत्युमुखी पडल्या असून, त्यांचे नमुने तपासणीसाठी पाठविण्यात आले आहेत. आठवडमध्येही मृत कोंबड्या आढळून आल्याने, त्यांचे नमुने तपासणीसाठी पाठविण्यात आले आहेत. आठवड व निंबळक येथील नमुन्यांचे अहवाल काय येतात, याकडे सर्वांचे लक्ष लागले आहे. त्यामुळे पशुसंवर्धन विभागाने परसातील कुक्कुटपालनाचेही तातडीने सर्वेक्षण सुरू केले आहे. ‘बर्ड फ्लू’चा चिकन खाण्याला कोणताही धोका नाही त्यामुळे लोकांनी घाबरून जाता चिकन, अंडी खावे, असे आवाहन डॉ. तुंबारे यांनी केले आहे.