प्रवरा नदी पात्रात बुडून दोघांचा मृत्यू

नेवासे - दोन दिवसांपूर्वी पोहायला गेलेल्या खुपटी (ता. नेवासे) येथील दोघा तरुणांचा प्रवरा नदीत बुडून मृत्यू झाल्याची घटना आज (शनिवारी) उघडकीस आली. दीपक प्रकाश घोरपडे (वय ३०) व प्रवीण पावलस ठुबे (वय ३०, दोघे रा. खुपटी, ता. नेवासे) असे मृत्युमुखी पडलेल्या तरुणांची नावे आहेत. याबाबत अधिक माहिती अशी की, घोरवडे व ठुबे हे दोघे बुधवारी (ता. १४) खुपटी येथील महादेव मंदिर परिसरातील प्रवरा नदीपात्रात पोहण्यासाठी गेले होते. दरम्यान दोघेही दोन दिवसांपासून घरी आलेच नाही. आज सकाळी त्यांचे मृतदेह नदीपात्रात तरंगतांना आढळून आले. दरम्यान, याप्रकरणी अमोल पावलस ठुबे यांनी दिलेल्या खबरीवरुन नेवासे पोलिसांत अकस्मात मृत्यूची नोंद करण्यात आली आहे. पुढील तपास पोलिस हेडकॉन्स्टेबल रेवनाथ मरकड करीत आहे.