नगर जिल्हा परिषदेत निविदा प्रकियेचा सावळा गोंधळ

नगर : जिल्हा परिषदेच्या ग्रामीण पाणीपुरवठा विभागाने एका पाणीयोजनेच्या कामाची निविदा प्रक्रिया दोनदा राबविली. विशेष म्हणजे, पहिली निविदा नामंजूर न करताच हे करण्यात आले. त्यानंतर पहिलीच निविदा अंतिम करून कामास मंजुरी देण्यात आली. या प्रकाराची चर्चा जिल्हा परिषदेत चांगलीच रंगली आहे. 

हेही वाचा ः जामखेडच्या सभापती निवडीचा पुन्हा पेच

जिल्हा परिषदेच्या ग्रामीण पाणीपुरवठा विभागामार्फत जिल्ह्यातील पाणीपुरवठा योजनेच्या कामांसाठी निविदा प्रकिया राबविली जाते. जिल्ह्यातील 53 लाखांच्या पाणीयोजनेच्या कामाचा प्रस्ताव सादर झाला होता. त्यासाठीची प्रक्रिया ग्रामीण पाणीपुरवठा विभागाने राबविली. त्यात चार-पाच जणांनी निविदा भरल्या होत्या. मात्र, या प्रक्रियेवर काहींनी तक्रारी केल्या. त्यामुळे दुसऱ्यांदा प्रकिया राबविण्यात आली. मात्र, त्यावरही काहींनी आक्षेप घेतला. त्यामुळे दुसरी निविदा प्रक्रिया रद्द करून पुन्हा पहिलीच ग्राह्य धरण्यात आली. आता या प्रक्रियेवरही आक्षेप घेतला गेला आहे.

अवश्य वाचा ः सकारात्मक... यात्रा-सप्ताहातील खर्च टाळून ग्रामविकासावर भर
 
पहिली निविदा रद्द केल्यावर दुसऱ्यांदा निविदा प्रकिया राबविण्याचे निर्देश आहेत. मात्र, नियमांना बगल देत, दुसऱ्यांदा प्रक्रिया राबविण्यात आली. त्यानंतर पहिलीच ग्राह्य धरण्यात आली. जिल्ह्यातील ठेकेदारांत या प्रकाराची चांगलीच चर्चा आहे. 

क्लिक करा ः जिल्हा परिषदेच्या चाव्या खासगी व्यक्तीच्या हाती?

संदर्भात ग्रामीण पाणीपुरवठा विभागाशी संपर्क साधला असता, जिल्ह्यातील एका पाणीयोजनेच्या कामासाठी दोनदा निविदा प्रक्रिया राबविली. त्यात पहिलीच निविदा अंतिम केली. या कामासाठी 53 लाख रुपये खर्चाचा प्रस्ताव होता. मात्र, प्रत्यक्षात हे काम 49 लाखांचे असून, तशी निविदा मंजूर झाली असल्याचे सांगण्यात आले. 

जिल्हा परिषदेतील ग्रामीण पाणीपुरवठा विभागात राबविण्यात आलेली निविदा प्रक्रिया पारदर्शक पद्धतीने होत असते. 
- दत्तात्रेय गावडे, प्रभारी कार्यकारी अभियंता, ग्रामीण पाणीपुरवठा विभाग , अहमदनगर