रेल्वे निघाली मजुरांना घेऊन...

नगर ः लॉकडाउनमुळे जिल्ह्यात अडकलेल्या उत्तर प्रदेशामधील 1225 मजुरांना घेऊन नगर ते उन्नाव विशेष रेल्वेगाडी आज रवाना झाली. "महाराष्ट्र सरकारचा विजय असो,' अशा घोषणा देत स्थानिक प्रशासनाला मजुरांनी धन्यवाद दिले.

हेही वाचा - या गावाचा कांदा निघालाय लंडनला

जिल्ह्याच्या विविध भागांतील मजुरांना बसने संबंधित महसूल यंत्रणेने, सोशल डिस्टन्सिंगचे पालन करीत रेल्वेस्टेशनवर दाखल केले. नगर, पारनेर, राहुरी, जामखेड, कर्जत भागातील या मजुरांना घेऊन आज सायंकाळी साडेपाचला नगरहून रेल्वेगाडी रवाना झाली.

उपजिल्हाधिकारी ऊर्मिला पाटील, पोलिस उपअधीक्षक संदीप मिटके, स्टेशन मास्तर अनिल तोमर, तहसीलदार ज्योती देवरे, उमेश पाटील, वैशाली आव्हाड, नायब तहसीलदार शिल्पा पाटील, पोलिस निरीक्षक विकास वाघ आदी उपस्थित होते.

दरम्यान, रात्री उशिरा आणखी 1200 मजुरांना घेऊन विशेष रेल्वे भोपाळकडे रवाना होणार असल्याचे सांगण्यात आले. 
 

• रवाना झालेले मजूर 
• नगर-491 
• कर्जत-260 
• पारनेर-373 
• जामखेड-27 
• राहुरी-15 
• नागपूर-113