लॉकडाउन असूनही कोरोना बाधितांचा चिंता वाढवणारा आकडा

नगर ः जिल्ह्यात कोरोनाचा प्रादुर्भाव रोखण्यासाठी प्रशासनाकडून प्रयत्न केले जात असले, तरी रुग्णसंख्या कमी होण्याऐवजी वाढत चालली आहे. (शुक्रवारी) बाधितांच्या आकड्याने नवा विक्रम केला असून, साडेचार हजारांचा टप्पा ओलांडला आहे. (Four thousand 600 corona patients in Ahmednagar)

जिल्ह्यात आजअखेरपर्यंत दोन लाख दोन हजार 375 बाधित आढळून आले आहेत. त्यांतील एक लाख 73 हजार 104 जण बरे होऊन घरी परतले आहेत. आजअखेर एकूण दोन हजार 262 जणांचा मृत्यू झाला आहे. सध्या 27 हजार नऊ जणांवर रुग्णालयांत उपचार सुरू आहेत.

(शुक्रवारी) दिवसभरात चार हजार 594 नवीन रुग्ण आढळून आले, तर तीन हजार 856 जण बरे होऊन घरी परतले. जिल्हा रुग्णालयातील तपासणी अहवालात एक हजार नऊ, खासगी प्रयोगशाळेतील तपासणी अहवालात दोन हजार 665, अँटिजेन चाचणीत 920 जण बाधित आढळून आले.

तालुकानिहाय आढळून आलेले रुग्ण

नगर शहर ः 732, नगर ग्रामीण ः 463, श्रीगोंदे ः 425, संगमनेर ः 381, राहाता ः 315, राहुरी ः 287, कोपरगाव ः 277, श्रीरामपूर ः 247, पारनेर ः 230, शेवगाव ः 212, नेवासे ः 207, अकोले ः 187, कर्जत ः 180, पाथर्डी ः 132, परजिल्ह्यातील 126, जामखेड ः 106, भिंगार कॅंटोन्मेंट ः 61, मिलिटरी हॉस्पिटल ः 18, परराज्ये ः आठ. (Four thousand 600 corona patients in Ahmednagar)