कर्जत येथे 'आपले गाव, आपला रोजगार' या योजनेचा शुभारंभ

नीलेश दिवटे
Thursday, 10 December 2020

शहरात या पूर्वी कापड दुकानात महिलांना काम करावे लागायचे किंवा शेतात मोलमजुरी मात्र या उपक्रमामुळे महिलांना घरच्या घरीच काम उपलब्ध होऊन स्वयंरोजगार मिळून अर्थार्जन होणार आहे. ही सर्व घरातील कामे करून फावल्या वेळात करता येणार असल्याने महिलांचा मोठा प्रतिसाद मिळाला आहे.

कर्जत (अहमदनगर)  : उपेक्षितांचे आशीर्वाद हीच खरी मौलिक संपत्ती आहे. महिला सक्षमीकरण आणि सबलीकरणासाठी एस एन आर च्या माध्यमातून राबविण्यात येणाऱ्या सर्व उपक्रमात प्रवरा परिवार खंबीरपणे पाठीशी उभा राहील, अशी ग्वाही खासदार डॉ सुजय विखे पाटील यांनी दिली.

हे ही वाचा : शेवगावात औरंगाबाद-नगरचे ५५ जुगारी अटकेत, थेट नाशिकच्या पथकाने मारली रेड

येथे एस एन आर लघु व मध्यम उद्योग विकास समूहाच्या वतीने प्रथम नगराध्यक्ष नामदेव राऊत यांच्या संकल्पनेतून 'आपले गाव, आपला रोजगार' या योजनेचा शुभारंभावेळी ते प्रमुख पाहुणे म्हणून बोलत होते तर भामबाई राऊत, नगराध्यक्षा प्रतिभा भैमुले, उपनगराध्यक्ष नामदेव राऊत, रिपाईचे तालुकाध्यक्ष संजय भैलूमे, भाजपचे शहराध्यक्ष वैभव शहा, युवा मोर्चाचे विनोद दळवी, अमृत काळदाते, अनिल गदादे,  नगसेविका उषा राऊत, राखी शहा, नीता कचरे, हर्षदा काळदाते, डॉ कांचन खेत्रे, आशा वाघ, सुनीता हिरडे व सर्व नगरसेविका महिला यावेळी उपस्थित होत्या.

हे ही वाचा : मास्क लावायला सांगितल्याने डॉक्टरलाच मारहाण 

ते म्हणाले, महिला सक्षमीकरण, स्वावलंबन आणि सबलीकरणासाठी घोषणाबाजी करणे सोपे, कृती करणे अवघड आहे. त्यासाठी आवश्यक ते भांडवल, मनुष्यबळ आणि इच्छाशक्ती लागते, ती नामदेव राऊत यांच्या माध्यमातून या प्रकल्पाद्वारे कृतीत उतरली जात आहे. यावेळी प्रशिक्षिका सुनीता हिरडे, तबसुम शेख यांची भाषणे झाली. प्रास्ताविक उषा राऊत यांनी केले तर उपस्थितांचे आभार नगरसेविका राखी शहा यांनी मानले.

शहरात या पूर्वी कापड दुकानात महिलांना काम करावे लागायचे किंवा शेतात मोलमजुरी मात्र या उपक्रमामुळे महिलांना घरच्या घरीच काम उपलब्ध होऊन स्वयंरोजगार मिळून अर्थार्जन होणार आहे. ही सर्व घरातील कामे करून फावल्या वेळात करता येणार असल्याने महिलांचा मोठा प्रतिसाद मिळाला आहे.

संपादन - सुस्मिता वडतिले 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: SNR Small and Medium Enterprises Development Group has launched aple gaon aapla rozgar scheme at Karjat