अकोला : उड्डाणपुलावर नियम मोडणाऱ्यांना शिकवला धडा

अकोला : वाहतूक पोलिसांनी शहरातील दोन उड्डाण पुलावर वाहतुकीचे नियम मोडणाऱ्या ७७३ वाहन चालकांवर कारवाई केली असून संबंधितांवर ४ लाख ४५ हजार ३५० रुपयांचा दंड ठोठावला आहे. यानंतर सदर कारवाई अधिक तीव्र करण्यात येईल, अशी माहिती वाहतूक पोलिसांनी दिली आहे.

वाहन चालाकांची अधिक संख्या व बेशिस्त वाहन चालवण्याच्या पद्धतीमुळे शहरातील अशोक वाटिका चौक ते अग्रसेन चौक व सिंधी कॅम्प चौकात दररोज छोट्‍या मोठ्‍या प्रमाणात अपघात होत होते. परंतु आता शहरातील दोन उड्डाण पुलांचे लोकार्पण झाल्यानंतर सदर पुल नागरिकांच्या वाहतुकीसाठी खुले करण्यात आले आहेत. त्यामुळे वाहतुक सुरळीत झाली असून अपघातांची संख्या सुद्धा कमी झाली आहे. परंतु असे असले तरी काही नागरिक उड्डाण पुलावर चढण्या उतरण्याचे नियम तोडत आहेत.

पुलावर लावण्यात आलेल्या प्रवेश बंदी, स्पीड लिमिट व इतर सूचनांचे वाहन चालक उल्लंघन करत आहेत. त्यासोबतच पुलावर रॉंड साइड वाहन चालविणे, भरधाव वेगाने वाहने चालविणे, इशारा भंग करणे, वाहतुकीला अडथळा निर्माण होईल अशी पार्किंग करने असे प्रकार उड्डाण पुलावर सर्रास सुरु आहेत. त्यामुळे अशा ७३३ वाहन चालकांवर शहर वाहतूक पोलिसांनी कारवाई केली असून वाहन चालकांवर ४ लाख ४५ हजार ३५० रुपयांचा दंड ठोठावला आहे. यानंतर सुद्धा अशी कारवाई पोलिसांमार्फत सुरूच राहणार आहे.