Gram Panchayat by election | ग्रामपंचायत पोटनिवडणूक; मतदान क्षेत्रात स्थानिक सुटी जाहीर | Sakal
sakal

बोलून बातमी शोधा

gram panchayat election
ग्रामपंचायत पोटनिवडणूक; मतदान क्षेत्रात स्थानिक सुटी जाहीर

अकोला : ग्रामपंचायत पोटनिवडणूक; मतदान क्षेत्रात स्थानिक सुटी जाहीर

अकोला : अकोट तालुक्यातील अकोलखेड, मूर्तिजापूर तालुक्यातील वडगाव व मधापूर, बाळापूर तालुक्यातील मांजरी या ठिकाणी ग्रामपंचायतीच्या पोटनिवडणुकीत (Gram Panchayat by-election) मतदारांना मतदान करता यावे, यासाठी संबंधित मतदान क्षेत्रात मंगळवार १८ जानेवारी रोजी स्थानिक सुट्टीचे आदेश जिल्हाधिकारी निमा अरोरा यांनी निर्गमित केले आहे.

हेही वाचा: UP elections : निवडणूक आयोगाची कारवाई, पोलीस निरीक्षक निलंबित

ग्रामपंचायतीच्या रिक्‍त पदाच्‍या पोटनिवडणूक होणाऱ्या मतदान क्षेत्राबाहेर कार्यरत असलेल्यांना निवडणुकीच्‍या दिवशी मतदानाचा हक्‍क बजावण्‍यासाठी मंगळवार १८ जानेवारी रोजी स्थानिक सुट्टी जाहीर केली आहे. तसेच आस्थापनेवरील क्षेत्रातील रहिवाशी असलेल्या अधिकारी, कर्मचारी मजुर, कामगार यांना मतदान करता येणे शक्य व्हावे याकरीता कामाच्या तासामधून दोन तासांची सवलत देण्‍यात यावी, असे आवाहन करण्‍यात येते आहे.

हेही वाचा: पुण्यात नवे निर्बंध? रुग्ण वाढल्यानंतर अजित पवारांची तातडीची बैठक

तीन दिवस मद्यविक्री बंद

पोटनिवडणुका निर्भय व मुक्त वातावरणात पार पाडण्यासाठी मतदानाच्या एक दिवस आधी (ता. १७), मतदानाच्या दिवशी (ता. १८) व मतमोजणीच्या दिवशी (ता. १९) रोजी मद्यविक्री बंद ठेवण्याचे आदेश जिल्हाधिकारी निमा अरोरा यांनी दिले आहेत. या आदेशाचा भंग झाल्याचे आढळल्यास संबंधितांवर कायदेशीर कारवाई करण्याचा इशाराही देण्यात आला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top