महानगरपालिकेच्या दिव्याखालीच अंधार,अग्निशमन दलाचा कारभार अपुऱ्या कर्मचाऱ्यांच्या भरवशावर, प्रभारी अधिकारी हाकतायेत गाडा

मनोज भिवगडे
Wednesday, 13 January 2021

पूर्व विदर्भात भंडारा येथील रुग्णालयात घडलेल्या हृदयद्रावक घटनेनंतर सर्वत्र फायर ऑडिटचा प्रश्न उपस्थित केला जात आहे. अकोला शहरातील शासकीय व खासगी रुग्णालये व शाळा-महाविद्यालयाचे सुद्धा फायर ऑडिट होणे गरजेचे आहे.

अकोला : पूर्व विदर्भात भंडारा येथील रुग्णालयात घडलेल्या हृदयद्रावक घटनेनंतर सर्वत्र फायर ऑडिटचा प्रश्न उपस्थित केला जात आहे. अकोला शहरातील शासकीय व खासगी रुग्णालये व शाळा-महाविद्यालयाचे सुद्धा फायर ऑडिट होणे गरजेचे आहे.

त्यावर नियंत्रण ठेवणारे यंत्रणाच मात्र असक्षम आहे. महानगरपालिकेच्या अग्निशमन विभागाचा कारभार प्रभारी अधिकारी व अपुऱ्या मनुष्यबळावर सुरू आहे. या परिस्थितीत हा विभाग आगीच्या घटनांमध्ये जबाबदारीने काम करीत असला तरी या विभागाला अधिक सक्षम करण्याची गरज निर्माण झाली आहे.

हेही वाचा - ‘मुख्यमंत्री साहेब, पोरगी पाहून माझं लग्न करुन द्या’, वाशिमच्या युवकाचं थेट मुख्यमंत्र्यांना भन्नाट पत्र

महानगरपालिकेच्या अग्निशमन विभागावर अकोला शहराच्या हद्दवाढीसह १२५ चौरस किलोमीटर क्षेत्रासह अकोला एमआयडीसी व अकोला तालुक्यातील ग्रामीण भागाचा भार आहे.

Image may contain: outdoor

एमआयडीसीसाठी स्वतंत्र फायर स्टेशन असणे आवश्यक आहे. मात्र लोकप्रतिनिधींच्या दुर्लक्षामुळे अद्याप अकोला एमआयडीसीचे स्वतंत्र फायर स्टेशन तयार झाले नाही. मनपाची एक अग्निशमन गाडीच एमआयडीसीसाठी वापरली जाते.

हेही वाचा कांदा मुळा भाजी अवघी विठाई माझी’, कान्हेरीच्या विठ्ठलाने शेतीलाच केले ‘पंढरी’

उद्योजकांसोबत झालेल्या बैठकीत पालकमंत्र्यांनी दिलेल्या आदेशानंतर ही गाडी एमआयडीसीला देण्यात आली. मात्र त्याचे भाडेही अद्यापही मनपाला मिळाले नसल्याची माहिती आहे. उर्वरित सहा गाड्या कार्यकरत आहेत.

No photo description available.

त्यावर चालक व फायरमन हे कंत्राटी व मानसेवी म्हणून काम करतात. अग्निशमन विभागाचे नियमित अधिकारी रमेश ठाकरे निवृत्त झाल्यापासून या विभागाचा कारभारही प्रभारींच्या खांद्यावरच आहे. त्यांना फायर ऑडिटसाठी प्रमाणपत्र देण्याकरिता पाहणी करण्यापासून सर्वच तांत्रिक कामासाठी असक्षम कर्मचाऱ्यांवर अवलंबून राहवे लागत आहे. परिणामी आजपर्यंत अकोला शहरातील १६० रुग्णालये, शाळा व इमरतींचेच फायर ऑडिट होऊ शकले आहे.

हेही वाचा - अकोला जिल्ह्यातील बातम्यांसाठी क्लिक करा

पाण्यासाठी दोन वर्षांपासू प्रतीक्षा
मनपाच्या विविध विभागातील समन्वयाचा अभाव अग्निशमन विभागाला बसला आहे. राणी सतीधाम जवळ असलेल्या फायर स्टेशनची बोअर दोन वर्षांपासून बंद आहे. जलप्रदाय विभागाचे प्रस्ताव टाकूनही त्यावर आजपर्यंत कोणतीच कार्यवाही करण्यात आली नसल्याने आश्चर्य व्यक्त होत आहे. सध्या सिटी कोतवाली जवळील एकाच बोअरवर अग्निशमन विभागाला अवलंबून रहावे लागत आहे.

हेही वाचा - पुन्हा बलात्काराने हादरला महाराष्ट्र, 24 वर्षीय तरुणीवर चालत्या बसमध्येच केला बलात्कार

तपासणीसाठी मंजुरीची प्रतीक्षा
शहरातील शाळा, कॉलजे, खासगी शिकवणी वर्ग, हॉस्पिटल, दवाखाने, व्यापारी संकुल, जिनिंग प्रेसिंग, पेट्रोल पंप, गोदामे, वसतिगृह, सॉ मिल, वेअर हाऊसची तपासणी करून तेथे अग्निशमन उपायोजना केल्याची खात्री करणे आवश्यक आहे. त्यासाठी मनपा आयुक्तांकडे विभागाने परवानगी मागितली आहे. मात्र गेले तीन आठवड्यांपासून विभागाच्या फाईलवर मंजुरीची मोहर लागली नाही. आता मात्र भंडारा घटनेनंतर सर्वांची धावाधाव सुरू झाली आहे.

(संपादन - विवेक मेतकर)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Akola Marathi News- The fire brigade of the corporation is incompetent, the responsibility falls on the shoulders of the officers in charge; Burden on inadequate staff