मास्‍क न लावणाऱ्या नांगरिकांवर ५२ हजारांचा दंड

अकोला ः महानगरपालिका क्षेत्रामध्‍ये मास्‍क न लावणारे व सोशल डिस्‍टसींग नियमाचे उल्‍लंघन करणाऱ्या नागरिकांवर दंडात्‍मक कारवाई मनपा प्रशासनातर्फे केली जात आहे.

त्या अनुषंगाने ता. २ मार्च रोजी अकोला महानगरपालिका क्षेत्रातील पूर्व झोन अंतर्गत मास्‍कसाठी १३ नागरिकांवर आणि सोशल डिस्‍टसींगसाठी एक, पश्चिम झोन अंतर्गत २५ नागरिकांवर आणि सोशल डिस्‍टंसीगसाठी एक, उत्‍तर झोन अंतर्गत ४२ नागरिकांवर, दक्षिण झोन अंतर्गत सोशल मास्‍कसाठी १४ नागरिकांवर, आणि सोशल डिस्‍टसींगसाठी एक नागरिकावर तसेच विशेष पथकाव्‍दारे मास्‍क न घातल्‍यामुळे ८ नागरिकांवर आणि सोशल डिस्‍टसींग नियमाचे उल्‍लंघन करणाऱ्या आठ व्‍यावसायिक प्रतिष्‍ठांनावर दंडात्‍मक कारवाई करण्‍यात आली. एकुण ५२ हजार ४०० रुपयांची दंडात्‍मक कारवाई करण्‍यात आली आहे.