दुसऱ्या दिवशीही पावसाने झोडपले, तुमच्याकडे कसा आहे पाऊस?

अकोला : सलग दुसऱ्या दिवशी सुद्धा अवकाळी पावसाने हजेरी लावत पिकांचे नुकसान केले आहे. प्रामुख्याने तेल्हारा व अकोट तालुक्यात जोरदार पावसाने झोडपून काढल्याने गहू, हरभरा, कांदा व भाजीपाला पिकाचे नुकसान झाले आहे.

आठवडाभरापासून वातावरणात बदल दिसून येत होता. शिवाय हवामान विभागाने सुद्धा १७, १८ फेब्रुवारीसह पुढील दोन आठवडे गारपिठीसह वादळी पावसाचे संकेत दिले होते. त्यानुसार बुधवारी (ता.१७) अवकाळी पावसाने जिल्ह्यात हजेरी लावली. त्यामध्ये अकोट, तेल्हारा, पातूर, अकोला, बार्शीटाकळी तालुक्यात सरी कोसळल्या.

हेही वाचा - Lockdown Breaking: रविवारी राहणार संपूर्ण लॉकडाउन…!

मात्र, तेल्हारा तालुक्यात पावसाचा जोर सर्वाधिक राहाला शिवाय तालुक्यातील काही भागात गारपीठ सुद्धा झाली होती. त्यानंतर दुसऱ्या दिवशी म्हणजे गुरुवारी सुद्धा तेल्हारा, अकोट तालुक्यात जोरदार पाऊस पडला. अकोला, बार्शीटाकळी तालुक्यातही काही भागात तुरळक पावसाने हजेरी लावली. मात्र अकोट व तेल्हारा तालुक्यात सलग दुसऱ्या दिवशी पावसाने झोडपून काढीत गहू, हरभरा, कांदा व भाजीपाला पिकाचे मोठे नुकसान केले.

हेही वाचा - 

येथे पिकाचे मोठे नुकसान
सलग दोन दिवस अवकाळी पाऊस व गारपिठीने तेल्हारा व अकोट तालुक्यात पिकांचे मोठे नुकसान केले. त्यामध्ये हिवरखेड, दाणापूर, बोर्डी, तरोडा, तळेगाव डवला, वरुड, वडनेर, बाभुळगाव येथे गहू, हरभरा, कांदा व भाजीपाला पिकांचे नुकसान झाले आहे.

हेही वाचा - धोका वाढला; रविवारी संपूर्ण दिवसभर तर दररोज रात्रीची संचारबंदी

जिल्ह्यात वातावरण ढगाळलेले
अवकाळी पावसाने प्रामुख्याने तेल्हारा, अकोट तालुक्यात हजेरी लावली असली तरी, जिल्ह्यातील इतर तालुक्यामध्ये दिवसभर ढगाळ वातावरण होते. काही भागात पहाटे तुरळक पावसाच्या सरी सुद्धा कोसळल्या.

अकोला, बुलढाणा, वाशिम जिल्ह्यातील ताज्या बातम्या - क्लिक करा

संपादन - विवेक मेतकर

अधिक वाचा - 

भिती वाढतेय; पॉझिटिव्ह रुग्णांमध्ये ९० नव्या रुग्णांची भर

तुम्हाला उद्योग करायचा आहे का? मिळणार आर्थिक बळ आणि ट्रेनिंगही

बस थांबली, महामार्ग ठप्प!, दहा किलोमीटरपर्यंत लागल्या वाहनांच्या रांगा

राजकीय वर्तुळात रंगली चर्चा; भाजप आमदारांना बैठकीपासून दूर ठेवून साधला हेतू