Gurudev Shri Shri Ravi Shankar Health Tips : हल्लीची जीवन पद्धती आणि खाण्या पिण्याच्या बिघडलेल्या सवयी यामुळे माणसाला अनेक आजार जडतात. त्यामुळे आपल्या जीवनशैलीत आणि सवयींमध्ये थोडासाही योग्य बदल केला तर माणसाला त्याचे सकारात्मक परिणाम दिसतात.

त्यासाठी अध्यात्मिक गुरू श्री श्री रवि शंकर यांनी काही सोप्या पद्धती सांगितल्या आहेत. त्यांच्या या टिप्स सर्वांना उपयुक्त ठरू शकतात.

गुरुदेव आपल्या प्रवचनांमधून अनेक सोप्या पण महत्वपूर्ण गोष्टींवर लोकांना मार्गदर्शन करत असतात. आपल्या दैनंदिन जीवनातील या सोप्या गोष्टी आपल्या अनेक त्रासांवर गुणकारी ठरू शकतात.

अशाच एका प्रवचनाचा व्हिडीओ त्यांच्या यू-ट्यूब चॅनलवर शेअर करण्यात आला आहे. ज्यात त्यांनी डोकंदुखी, गुडघे, कंबर, पाठदुखी अशा त्रासांवर एक सोपा आणि गुणकारी उपाय सांगितला आहे.

अॅसिडीक जेवण

श्री श्री रवि शंकर सांगतात की, तुम्ही जेवढंही जेवण करतात ते सर्व अॅसिडीक असतं. मसालेदार भाज्या, धान्यांचा मोठा वापर यामुळे शरीरात अॅसिडीक पदार्थ जास्त जातात. त्यांना बॅलंस करणं गरजेचं असते. यासाठी अल्कलाइन पदार्थांचे सेवन आवश्यक असते.

त्यामुळे अल्कलाइन काय आणि अॅसिडीक काय हे जाणून घेणं आवश्यक आहे. जेवढे धान्य म्हणजे गहू, ज्वारी, बाजरी आदी हे सर्व अॅसिडीक होते तर सर्व भाज्या या अल्कलाइन असतात. त्यामुळे चपाती, भाकरी पेक्षा भाज्यांचे आहारात सेवन वाढणे आवश्यक असल्याचंही त्यांनी सांगितलं आहे.

अल्कलाइन पाणी

अल्कलाइन जेवणाबरोबरच अल्कलाइन पाणी पिणेही आवश्यक असल्याचं त्यांनी सांगितलं आहे. अल्कलाइन पाणी कसे बनवावे हे देखील त्यांनी सांगितले आहे.

कसे बनवावे अल्कलाइन पाणी

• एक लीटर पाणी घ्यावे.

• त्यात काकडीच्या ४-५ लहान फोडी घालाव्या.

• त्यात लिंबाच्या २ बारीक फोडी घालाव्या.

• हे पाणी रात्रभर झाकून ठेवावे.

• हे अल्कलाइन पाणी १ ते दीड दिवस पिऊ शकतात.

कधी प्यावे हे पाणी?

• सकाळी उठल्यावर रिकाम्या पोटी हे पाणी प्यावे.

• शिवाय जेवणा आधी किंवा नंतर लगेच पिऊ नये.

• उलट जेवण झाल्यावर दोन तासांनी हे पाणी पिणे फायदेशीर असते.

फायदे

• अल्कलाइन पाणी प्यायल्याने रक्त अल्कलाइन होतं.

• त्यामुळे डोकेदुखी, गुडघेदुखी हे सगळं आपोआप दूर होतं.