N22429

विभागस्तरीय कॅरम स्पर्धेमध्ये
सावंतवाडीतील खेळाडू चमकले
सकाळ वृत्तसेवा
सावंतवाडी, ता. ३१ः क्रीडा व युवक सेवा संचालनालय महाराष्ट्र राज्य, जिल्हा क्रीडा अधिकारी कार्यालय रत्नागिरीअंतर्गत जिल्हा क्रीडा परिषदद्वारा रत्नागिरी येथे आयोजित विभागीय कॅरम स्पर्धेत १४ वर्षांखालील मुलींच्या गटात रत्नागिरी येथील रा. भा. शिर्के विद्यालयाची स्वरा कदम, तर मुलांच्या गटात कोल्हापूर भोसलेवाडी शाळेचा ओमकार वडर यांनी प्रथम क्रमांक पटकावला. या स्पर्धेतील सावंतवाडीतील खेळाडूंनी चमक दाखविली. या खेळाडूंची १२ ते १४ नोव्हेंबर कालावधीत आंबोली सैनिक स्कूल येथे होणाऱ्या राज्यस्तरीय स्पर्धेसाठी झाली आहे.
स्पर्धेचा गटवार अनुक्रमे निकाल असाः १४ वर्षांखालील मुली-स्वरा कदम (रत्नागिरी रा. भा. शिर्के स्कूल), स्वरा मोहिरे (रत्नागिरी रा. भा. शिर्के स्कूल), साक्षी रामदूरकर (कळसुलकर इंग्लिश स्कूल, सावंतवाडी). येथील मिलाग्रीस हायस्कूलची आस्था लोंढे हिने सहावा क्रमांक मिळविला.
१४ वर्षांखालील मुलगेः राजू वडर (कोल्हापूर), सर्वेश अमरे (जैतापूर न्यू इंग्लिश स्कूल), वेदांत करगुटकर (जैतापूर न्यू इंग्लिश स्कूल), १७ वर्षांखालील गट-ईश्वरी पाटील (कोल्हापूर), पूर्वा कोतकर (देवगड उमा पवार हायस्कूल), सेजल जाधव (रत्नागिरी गोदुताई जांभेकर विद्यालय).
१७ वर्षांखालील मुलगेः ओम पारकर (रत्नागिरी शिर्के हायस्कूल), अमूल्य घाडी (सावंतवाडी मिलाग्रिस), प्रथमेश हद्दीमनी (सांगली इम्यानुअल इंग्लिश स्कूल). १९ वर्षांखालील मुली-प्रणिता आयरे (आरपीडी हायस्कूल सावंतवाडी), श्रावणी कोलगे (द्वितीय, रत्नागिरी अभ्यंकर कुलकर्णी महाविद्यालय). श्रावणी साबळे (श्री भवानी विद्यामंदिर, सातारा). १९ वर्षांखालील मुलगे ः राम फाले (सावंतवाडी मिलाग्रिस), संस्कार कांबळे (सांगली शिराळा), ओंकार शिंदे (मालोजीराजे शेती विद्यालय, सांगली).