अभ्यंकर महाविद्यालयाचे
‘पोस्टर मेकिंग’मध्ये यश

रत्नागिरी ः कांदळवन कक्ष आणि कांदळवन प्रतिष्ठान (मुंबई) व अभ्यंकर- कुलकर्णी कनिष्ठ महाविद्यालय यांच्या संयुक्त विद्यमाने वन्य जीव सप्ताह साजरा केला. यात आयोजित पोस्टर मेकिंग स्पर्धेत अभ्यंकर कुलकर्णी कनिष्ठ महाविद्यालयाच्या विद्यार्थ्यांनी यश मिळवले. वन्यजीव सप्ताहामध्ये आपल्या रत्नागिरी जिल्ह्यातील वैशिष्ट्यपूर्ण कांदळवन एक वरदान या विषयावर आधारित पोस्टर मेकिंग स्पर्धा आयोजित करण्यात आली. स्पर्धेत ३८ विद्यार्थ्यांनी भाग घेतला. यामधून यश राजकुमार चव्हाण याने प्रथम क्रमांक, अनुष्का धामणे हिने द्वितीय तर भक्ती दिनकर आंबेकर हिने तृतीय क्रमांक पटकावला. स्पर्धेचे नियोजन महाविद्यालयाच्या पर्यावरण मंडळातर्फे करण्यात आले होते. महाविद्यालयाचे प्राचार्य डॉ. मकरंद साखळकर, उपप्राचार्य प्रा. सुनील गोसावी आणि संस्थेचे सहकार्यवाह प्रा. श्रीकांत दुदगीकर यांनी विजेत्यांचे अभिनंदन केले.
-----
- rat३१p२२.jpg
२४N२२४४३
- पं. चंद्रशेखर वझे
---------
चिपळुणात उद्या
दिवाळी पहाट

चिपळूण : रोटरी क्लब व सहजयोग परिवार चिपळूण यांच्या संयुक्त विद्यमाने शहरातील इंदिरा गांधी सांस्कृतिक केंद्र येथे २ नोव्हेंबरला पहाटे साडेसहा वाजता दिवाळी पहाट या कार्यक्रमाचे आयोजन करण्यात आले आहे. दिवाळी पहाटमध्ये पं. चंद्रशेखर वझे आपल्या गायनाने चिपळूणवासियांना मंत्रमुग्ध करणार आहेत. हा कार्यक्रम सर्वांना विनामूल्य आहे. कार्यक्रमाला सर्वांनी उपस्थित रहावे, असे आवाहन रोटरी क्लब चिपळूण व सहजयोग परिवार चिपळूण यांच्यामार्फत करण्यात आले आहे.
------

पालेकोंडमध्ये उद्या
संस्कारांचा दीपोत्सव

मंडणगड ः स्व. सुरेखाबाई सहदेव माळी यांचे पुण्यस्मरण करीत आईचा स्मृतिगंध जपण्यासाठी पाले येथील माळी कुटुंबीयांच्या वतीने २ नोव्हेंबरला रात्री ८ वाजता संस्कारांचा दीपोत्सव या कार्यक्रमाचे आयोजन करण्यात आले आहे. या निमित्ताने (कै.) भिकू गंगाराम माळी चौक पालकोंड रंगमंच येथे गायक दीप जोशी यांचा अमृताचे तिर्थ चरणी हा लाईव्ह गायन कार्यक्रम आयोजित करण्यात आला आहे. याचबरोबर शांताराम पवार यांचे आईचा जीवन प्रवास या विषयावर व्याख्यान होणार आहे. यानंतर जाखडी नृत्य स्पर्धेचे आयोजन करण्यात आले आहे. तालुकावासीयांनी सर्व कार्यक्रमास उपस्थित राहावे, असे आवाहन सुनील माळी, सचिन माळी, अमित माळी, विनायक हंबीर व माळी कुटुंबीय यांनी केली आहे.