ट्रकची दुचाकीला धडक
रत्नागिरी ः तालुक्यातील जाकादेवी सातपायरी येथे ट्रकने दुचाकीला धडक दिली. या अपघातात स्वार जखमी झाला. ग्रामीण पोलिस ठाण्यात ट्रक चालकाविरुद्ध गुन्हा दाखल करण्यात आला आहे. राघवेंद्र गुरण्णा गुळेद (३६,रा. सिदगी, अथनी गल्ली, विजापूर) असे संशयित ट्रक चालकाचे नाव आहे. ही घटना रविवारी (ता. २७) रात्री सातपायरी रस्त्यावर घडली. पोलिसांकडून मिळालेल्या माहितीनुसार संशयित ट्रक चालक १६ चाकी ट्रक घेऊन जयगड ते कर्नाटक घेऊन जात होते. सातपायरी रस्त्यावर ट्रक निष्काळजीपणे चालवून समोरुन येणारी दुचाकीला जोरदार धडक दिली. या अपघातात स्वार संकेत देमाजी कुळ्ये (२४, रा. खालगाव, जाकादेवी, रत्नागिरी) याला गंभीर दुखापत झाली. दुचाकीचे नुकसान झाले. अपघात घडल्यानंतर ट्रक चालकाने घटनास्थळावरुन पलायन केले. या प्रकरणी पोलिस हेड कॉन्स्टेबल विनोद भितळे यांनी ग्रामीण पोलिस ठाण्यात तक्रार दिली. तक्रारीवरुन पोलिसांनी संशयित ट्रक चालकाविरुद्ध गुन्हा दाखल केला आहे.
---
पानवल, निवेंडी फाट्यावर
दारु विक्रीवर छापा

रत्नागिरी ः तालुक्यातील पानवल धरण रस्त्यावर बंधाऱ्याच्या आडोशाला विनापरवाना गावठी दारु विक्रीवर पोलिसांनी कारवाई केली. या कारवाईत साहित्यासह ८६० रुपयांची ८ लिटर दारु पोलिसांनी जप्त केली. जयगड पोलिस ठाण्यात निवेंडी फाटा येथे ९२० रुपयांची ९ लिटर दारु विक्रीवर पोलिसांनी कारवाई केली. ग्रामीण व जयगड पोलिस ठाण्यात संशयितांविरुद्ध गुन्हा दाखल करण्यात आला आहे. मोरेश्वर दीपक कासारे (रा. हातखंबा चौबुर्जीवाडी, रत्नागिरी) व शंकर भिवा गिड्ये (रा. निवेंडी, रत्नागिरी) अशी संशयितांची नावे आहेत. या घटना बुधवारी (ता. ३०) सकाळी निवेडी फाडा व पानवल धरणाच्या बंधाऱ्याच्या आडोशाला तर जयगड येथे निवेंडी फाटा जाणाऱ्या रस्त्यावर फेफडेवाडी येथील जंगलमय भागात निदर्शनास आली. पोलिसांकडून मिळालेल्या माहितीनुसार संशयित विनापरवाना हातभट्टीची दारु विक्रीसाठी बाळगलेल्या स्थितीत पोलिसांच्या निदर्शनास आला.
-------