rat20p33.jpg-
78801
हेमलता बुरटे
-------
चिपळूणच्या माजी नगराध्यक्ष
हेमलता बुरटे यांचे निधन
चिपळूण, ता. २० : येथील माजी नगराध्यक्ष हेमलता बुरटे (वय ८१) यांचे रविवारी दुपारी निधन झाले. त्यांच्या निधनाने चिपळूण शहरातील एक सशक्त सामाजिक नेतृत्व काळाच्या पडद्याआड गेले, अशी भावना सर्वत्र व्यक्त होत आहे.
चिपळूणमधील नामवंत वकील शांतारामबापू बुरटे यांच्या त्या पत्नी होत. शांताराम यांच्यानंतर हेमलता नगरपालिकेत दोनवेळा काँग्रेसच्या तिकिटावर गोवळकोट भागातून निवडून गेल्या. चिपळूण पालिकेत काँग्रेसचे केवळ तीन नगरसेवक असताना २००६ ते २००९ या दरम्यान त्यांना अडीच वर्षांसाठी नगराध्यक्षपद मिळाले होते. पती अॅड. शांताराम यांच्या निधनानंतर त्यांनी सामाजिक काम कमी केले होते. त्यांच्या पश्चात मुलगा, मुलगी, सुना, नातवंडे असा परिवार आहे.