00237

‘अभंग रिपोस्ट’ने सावंतवाडीकर भारावले

भाजपतर्फे आयोजन; भर पावसातही रसिकांची मोठी गर्दी

सकाळ वृत्तसेवा
सावंतवाडी, ता. २४ ः दिवाळीच्या मंगलमय पर्वात लक्ष दिव्यांनी उजळलेल्या दीपोत्सवाचा आनंद द्विगुणीत करण्यासाठी भाजपतर्फे युवा नेते विशाल परब यांच्या संकल्पनेतून ‘अभंग रिपोस्ट’ या विशेष कार्यक्रमाचे आयोजन केले होते. संत परंपरेला उजाळा देणाऱ्या या कार्यक्रमास आबालवृद्धांसह युवांचीही लक्षणीय उपस्थिती राहिली.
येथील शिव उद्यान येथे भक्ती आणि संगीताचा सुंदर मिलाफ अनुभवायला मिळाला. भर पावसातही प्रचंड गर्दी जमा झाली होती. अभंग गायन करणाऱ्या कलाकारांमध्ये जॉय रूबडे, यश शिरोडकर, आजय वाव्हळ, प्रतिश म्हस्के, विराज आचार्य, पियुष आचार्य, स्वप्नील तर्पे यांचा समावेश होता. त्यांनी वेगवेगळ्या देव-देवतांवरील अभंग गायन करून उपस्थितांची मने जिंकली.
कार्यक्रमाचा प्रारंभ भाजप जिल्हाध्यक्ष प्रभाकर सावंत व जिल्हा बँक अध्यक्ष मनिष दळवी यांच्या प्रमुख उपस्थितीत झाला. यावेळी युवा नेते विशाल परब, सौ. वेदिका परब यांच्यासह महिला जिल्हाध्यक्ष श्वेता कोरगावकर, शहर मंडळ अध्यक्ष सुधीर आडिवरेकर, ॲड. परिमल नाईक, आनंद नेवगी, मनोज नाईक, दिलीप भालेकर, महिला शहराध्यक्ष मोहिनी मडगाकर, दिपाली भालेकर, ॲड. अनिल निरवडेकर, केतन आजगावकर, सुकन्या टोपले, मेघना साळगावकर आदी उपस्थित होते.
--
‘रिलोत्सव’ मधील विजेत्यांचा गौरव
यावेळी श्री. परब यांनी येथील सर्वांत मोठा प्रश्न आरोग्याचा आहे‌. जनतेला आवश्यक तेवढ्या सुविधा उपलब्ध होत नाहीत. त्यामुळे भाजपच्या माध्यमातून अत्याधुनिक सुविधांनी सुसज्ज हॉस्पिटल उभारले जाईल, असे सांगितले. यावेळी श्री. सावंत व श्री. दळवी यांनी मनोगत व्यक्त करत परब यांच्या कार्याचे कौतुक केले. तसेच ‘रिलोत्सव २०२५’ मधील विजेत्यांना गौरविण्यात आले.