rat7p32.jpg-
09154
दापोली ः सुवर्णदुर्ग किल्ल्यावर जाळ्यात अडकलेल्या १३ फूट अजगराची सर्पमित्र चिन्मय गुरव यांनी सुटका केली.
-----------

सुवर्णदुर्ग किल्ल्यात
सापडला १३ फूट अजगर
दापोली, ता. ७ : सुवर्णदुर्ग किल्ल्यात तब्बल १३ फूट अजगर जाळ्यात अडकलेल्या अवस्थेत सापडला असून सर्पमित्र चिन्मय गुरव यांच्या तत्परतेने त्याला जीवदान मिळाले.
हर्णै समुद्रातील ऐतिहासिक सुवर्णदुर्ग किल्ल्यावर तब्बल १३ फूट लांबीचा विशाल अजगर पर्यटक आणि नागरिकांना दिसला. किल्ल्यातील एका गोड्या पाण्याच्या तळ्याच्या कडेला हालचाल जाणवताच स्थानिकांनी पाहिले असता एक मोठा अजगर जाळ्यात अडकलेला असल्याचे दिसून आले. ही माहिती मिळताच नागरिकांनी तत्काळ सर्पमित्र चिन्मय गुरव याच्याशी संपर्क साधला. जाळ्यात अडकलेल्या अजगराची हालचाल कमी झाल्यामुळे त्याला इजा होण्याचा धोका अधिक होता. त्यामुळे परिस्थितीचा योग्य अंदाज घेत सुरक्षित पद्धतीने त्याला जाळ्यामधून बाहेर काढले.
सर्पमित्रांकडून करण्यात आलेल्या या सुटकेच्या कार्यवाहीला स्थानिकांनी देखील सहकार्य केले. त्या अजगराला किल्ल्यातून बोटीतून आणून नैसर्गिक अधिवासात सोडण्यात आल्याचे चिन्मय याने सांगितले.