- मयांक मिश्रा

माझ्या मते कुटुंबव्यवस्था प्रेमावर आधारित असते; पण त्याच्यापेक्षाही जास्त घरातील सगळ्या सदस्यांनी आपापली जवाबदारी पार पडली, तर सगळी व्यवस्था आरामात छान चालते.

माझी आई माझ्या सर्वांत जवळची व्यक्ती आहे. तिचा विनोदी स्वभाव मला खूप आवडतो; कारण मी उदास असलो, किंवा कुठल्याही गोष्टीचा तणाव असेल, तेव्हा ती मला लगेच हसवते आणि मला असा वाटतं, तीच हे करू शकते. ती सगळ्या परिस्थितीत खंबीरपणे उभी राहते. मला तिच्या या कृतीचं खूप कौतुक वाटतं.

माणसाच्या आयुष्यात अशी वेळ येतो, जेव्हा तो खूप उदास होतो आणि त्याला दिशा नाही मिळत नाही, अशा वेळी पाठिंबा आणि दिशा देणाऱ्याची गरज असते. माझ्या बाबतीतही एकदा असं झालं, तेव्हा माझ्या आईनं मला खूप सांभाळून घेतलं आणि परत आपल्या पायावर उभं राहण्यासाठी प्रोत्साहित केले. आपल्याला काय त्रास होतो आहे, हे तिला लगेच कळतं आणि माझी हिंमत तुटू नये म्हणून तिनं मला खूप वेळा अप्रत्यक्षपणे मदत केली आहे.

माझ्या कुटुंबातील सर्व सदस्य मजेशीर स्वभावाचे आहेत. सगळे एक से एक विनोदी आहेत. त्यामुळे आमच्या घरात नेहमीच आनंदी वातावरण असतं. कोणी नातेवाईक किंवा शेजारी आले, तर त्यांना आम्ही खूप हसवतो आणि त्यांची घरातून निघायची इच्छा होत नाही.

मी सध्या ॲण्ड टीव्हीवरील ‘दुसरी माँ’ या मालिकेत अरविंद गुप्ता याची भूमिका साकारत आहेत. सध्या मी जयपूरला आहे; पण जेव्हा मी घरी जातो तेव्हा आम्ही खूप मज्जा करतो. घरी सगळे एकत्र जेवण बनवतो, पत्ते खेळतो आणि गप्पागोष्टी होतच असतात.

मला असं वाटतं, की प्रत्येकासाठी कुटुंबाचं महत्त्व किती आहे, या गोष्टीची जाणीव आपल्या सगळ्यांना कोरोनाकाळात झाली असेल. त्यावेळी सर्वांनीच एकमेकांची काळजी घेतली. या परिस्थितीनं कुटुंबाची खूप चांगली जाणीव करून दिली.

नातेसंबंध चांगले होण्यासाठी एकमेकांना आदर द्यावा आणि समजुतीनं वागावं. त्यामुळे आपण नात्यांमध्ये सुधार करू शकतो.

नाती दृढ होण्यासाठी…

१. एकमेकांचा आदर करा.

२. कुटुंबातील प्रत्येक सदस्यासोबत समजुतीने वागावे.

३. कुटुंबावर अपार प्रेम करा.

४. सगळ्यांशी संवाद ठेवा.

५. खोटं कधीच बोलू नका आणि कोणाला दुखवू नका.

(शब्दांकन : अरुण सुर्वे)